ജമ്മുകശ്മീരിലെ അനന്തനാഗ് ജില്ലയില്‍ പോലീസും ഭീകരരും തമ്മിലുണ്ടായ ഏറ്റുമുട്ടലില്‍ ഒരു ലഷ്‌കര്‍ഇതൊയ്ബ ഭീകരന്‍ കൊല്ലപ്പെട്ടു. ഒരു പോലീസുകാരനു പരിക്കേറ്റു. യാരിപോറ ഗ്രാമത്തിലെ ബിലാല്‍ അഹമ്മദ് ആണ് കൊല്ലപ്പെട്ടത്. ആചല്‍ മേഖലയിലെ പോലീസ് പോസ്റ്റിനു സമീപം വെള്ളിയാഴ്ച രാത്രിയായിരുന്നു സംഭവമുണ്ടായത്.

മൂന്നുമാസം മുന്‍പാണ് ബിലാല്‍ ഭീകരസംഘടനയില്‍ ചേര്‍ന്നത്. സുരക്ഷാ ഉദ്യോഗസ്ഥര്‍ക്കു നേരെയുണ്ടായ ചില ആക്രമണങ്ങളില്‍ ഇയാള്‍ക്ക് പങ്കുണ്ടെന്നാണ് പോലീസ് നിഗമനം.