കട്ടപ്പന സ്വദേശികളായ മേട്ടുകുഴി ഇടവക്കേടത്ത് അരുണ്‍, ആലക്കല്‍ വീട്ടില്‍ അനീഷ് , എറണാകുളം കോക്കപ്പള്ളി കുട്ടശ്ശേരി വീട്ടില്‍ എല്‍ദോ എന്നിവരാണ് പിടിയിലായത്. തമിഴ്നാട്ടിലെ ശ്രീവല്ലിപുത്തൂരിലെ റാക്കാച്ചിയമ്മന്‍ കോവിലിനു സമീപത്തു നിന്നാണ് ഇരുതല മൂരിയെ പിടികൂടിയതെന്ന് അറസ്റ്റിലായവര്‍ മൊഴി നല്‍കി.

എറണാകുളത്തേക്ക് കൊണ്ട് പോകുന്നതിനായിരുന്നു ഇവരുടെ പദ്ധതിയെന്നും ഉദ്യോഗസ്ഥര്‍ പറഞ്ഞു. വലിപ്പം കുറവായതിനാല്‍ വളര്‍ച്ചക്കനുസരിച്ച്‌ നാല്‍പത് മുതല്‍ അന്‍പത് ലക്ഷം രൂപ വരെ വില ലഭിക്കുമെന്നും ആഭിചാരക്രിയകള്‍ക്ക് ഉപയോഗിക്കുന്നതിനാണ് ഇതിനെ കൊണ്ടുവന്നതെന്നും ഉദ്യോഗസ്ഥര്‍ പറഞ്ഞു. ആഭിചാരത്തിനായി ഇരുതലമൂരിക്കടത്ത് നടത്തിയ മലയാളികള്‍ പിടിയില്‍. തമിഴ്നാട്ടില്‍ നിന്ന് ഇരുതലമൂരിയെ കടത്തിക്കൊണ്ടു വന്ന മൂന്ന് മലയാളികളെ കുമളി ചെക്ക് പോസ്റ്റില്‍വെച്ചാണ് എക്സൈസ് പിടികൂടിയത്. ഒരാള്‍ ഓടി രക്ഷപ്പെട്ടു. ഇവര്‍ സഞ്ചരിച്ചിരുന്ന കാറും കസ്റ്റഡിയില്‍ എടുത്തിട്ടുണ്ട്.

പരിശോധനയ്ക്കിടെ ഡിക്കിക്കുള്ളില്‍ സംശയാസ്പദമായ സാഹചര്യത്തില്‍ ഒന്നരയടി നീളവും നാലിഞ്ച് വ്യാസമുള്ള രണ്ട് വശവും മൂടിയതുമായ പിവിസി പൈപ്പ് ശ്രദ്ധയില്‍പ്പെട്ടത്. ഇത് തുറന്നു പരിശോധിച്ചപ്പോള്‍ നനഞ്ഞ മണല്‍ നിറച്ചതായി കാണപ്പെട്ടു. ഇത് നിലത്ത് കുടഞ്ഞതോടെയാണ് ഉള്ളില്‍ ഒളിപ്പിച്ചിരുന്ന ഇരുതല മൂരിയ കണ്ടെത്തിയത്.