കേരളത്തെ വീണ്ടെടുക്കാന് മുഴുവന് സമയം പ്രവര്ത്തനം ആവശ്യമാണ്; പ്രളയ ദുരിതാശ്വാസ പ്രവര്ത്തനങ്ങള് നടക്കുന്ന സാഹചര്യങ്ങളില് കേരളത്തിലെ ഹര്ത്താല് മാറ്റി വയ്ക്കാമായിരുന്നെന്ന് ഡോ.എം.കെ മുനീര്
പ്രളയ ദുരിതാശ്വാസ പ്രവര്ത്തനങ്ങള് നടക്കുന്ന സാഹചര്യങ്ങളില് കേരളത്തിലെ ഹര്ത്താല് മാറ്റി വയ്ക്കാമായിരുന്നെന്ന് പ്രസ്താവനയുമായി ലീഗ് നേതാവ് ഡോ. എം.കെ മുനീര് എംഎല്എ. ഇക്കാര്യം വ്യക്തിപരമായി അഭ്യര്ത്ഥിച്ചിരുന്നു. കേരളത്തെ വീണ്ടെടുക്കാന് മുഴുവന് സമയം പ്രവര്ത്തനം ആവശ്യമാണെന്നും മുനീര് ചൂണ്ടിക്കാട്ടി.
ഇന്ധന വില വര്ധന വളരെ ഗൗരവമുള്ള വിഷയമാണ്. പക്ഷെ കേരളത്തില് ഹര്ത്താലിന് പകരം മറ്റൊരു സമരമുറ സ്വീകരിക്കാമായിരുന്നു. പകര്ച്ചവ്യാധികളും വലിയ രീതിയില് വേട്ടയാടുന്നുണ്ട്. വൈറസുകള്ക്ക് ഹര്ത്താല് ബാധകമല്ല. ഹര്ത്താല് പകര്ച്ച വ്യാധികള്ക്കെതിരായ പ്രവര്ത്തനത്തെയും ബാധിക്കും. കേരളത്തിന്റെ പുനര്നിര്മ്മാണം പൂര്ത്തിയാകുന്നതു വരെ ഇടവേളകളില്ലാത്ത പ്രവര്ത്തനം ആവശ്യമാണ്. ഒരു ദിവസം പോലും നഷ്ടപ്പെടുത്തരുത്. എങ്കിലും അച്ചടക്കമുള്ള പ്രവര്ത്തകന് എന്ന നിലയില് പാര്ട്ടി തീരുമാനത്തെ അംഗീകരിക്കും.
പി.കെ ശശി എംഎല്എയുടെ കേസില് മുഖം നോക്കാതെ നടപടിയെടുക്കണം. ഇത് പാര്ട്ടി വിഷയമായി ഒതുക്കരുതെന്നും എം.കെ മുനീര് പറഞ്ഞു. ഇന്ധന വിലവര്ധനയ്ക്കെതിരെ എ.ഐ.സി.സി ആഹ്വാനം ചെയ്ത ഭാരത് ബന്ദ് സംസ്ഥാനത്ത് ഹര്ത്താലായി ആചരിക്കുമെന്ന് യു.ഡി.എഫ് വ്യക്തമാക്കിയിരുന്നു. ഇതിന് പിന്നാലെയാണ് പ്രതികരണം.
https://www.facebook.com/Malayalivartha
