വാര്ത്താ പ്രളയത്തില് ജെസ്ന മുങ്ങിപ്പോയി:പ്രളയക്കെടുതിയില് ജെസ്നയുടെ തിരോധാനം എല്ലാവരും മറന്നതുപോലെ
ജെസ്ന എവിടെ എന്ന ചോദ്യം മാത്രം ബാക്കി. പ്രളയക്കെടുതിയിലും ദുരിതാശ്വാസ പ്രവര്ത്തനങ്ങളിലും നാട് ഏര്പ്പെട്ടപ്പോള് നഷ്ടമായത് ഒരു കുടുംബത്തിന്റെയും നാടിന്റെയും പ്രതീക്ഷ. കഴിഞ്ഞ മാര്ച്ച് ഇരുപത്തിരണ്ടിന് വെച്ചൂച്ചിറ മുക്കൂട്ടുതറയില് നിന്നും കാണാതായ ജെസ്ന മറിയം ജെയിംസിന്റെ തിരോധാന കേസ് അന്വേക്ഷണം മഴക്കെടുതിയില് നിലച്ച അവസ്ഥയിലായി. ആഗസ്റ്റ് ആദ്യവാരം ഹൈക്കോടതിയില് പൊലീസ് സമര്പ്പിച്ച സത്യവാങ്മൂലത്തില് പറഞ്ഞ പത്തു ദിവസം അവസാനിച്ചിരുന്നു.
എന്നാല് അന്വേക്ഷണം എങ്ങുമെത്താത്ത അവസ്ഥയിലാണ് ഇപ്പോള്. മുന്പ് വിഷയത്തില് സജീവമായിരുന്ന രാഷ്ട്രീയ പാര്ട്ടികളും പിന്മാറിയപോലെയാണ്. കേരളം ഉറ്റു നോക്കിയ തിരോധാന കേസ് മറ്റൊരു സുകുമാരക്കുറപ്പ് കേസു പോലാകുമോയെന്നാണ് ഇനി അറിയേണ്ടത്. കഴിഞ്ഞ മാര്ച്ച് ഇരുപത്തിരണ്ടിനാണ് മുക്കൂട്ടുതറ കൊല്ലമുള സന്തോഷ് കവലയില് കുന്നത്ത് ജെയിംസിന്റെ ഇളയമകളും കാഞ്ഞിരപ്പള്ളി എസ്ഡി കോളേജ് രണ്ടാം വര്ഷ ബിരുദ വിദ്യാര്ഥിനിയുമായ ജെസ്ന മറിയം ജെയിംസ്(20 )കാണാതാകുന്നത്.മുണ്ടക്കയം പുഞ്ചവയലിലുള്ള പിതാവിന്റെ സഹോദരിയുടെ വീട്ടില് പഠിക്കാനായി പോകുവാനിറങ്ങിയ വഴിയാണ് കാണാതായത്.
സിബിഐ അന്വേക്ഷണം ആവശ്യപ്പെട്ട് വീട്ടുകാരും പൊതുപ്രവര്ത്തകരും സമര്പ്പിച്ച ഹര്ജി തീര്പ്പാക്കിയത് ജെസ്നയുടെ തിരോധാന കേസ് അന്വേക്ഷണം അവസാന ഘട്ടത്തിലാണെന്ന പൊലീസ് ഭാക്ഷ്യത്തിലായിരുന്നു.ജെസ്ന മരണപ്പെട്ടിട്ടില്ലെന്നും കേരളത്തിന് വെളിയില് ജീവിച്ചിരിപ്പുണ്ടെന്നും കൈയ്യെത്തും ദൂരത്തായി ഉണ്ടെന്നുമെല്ലാം മാധ്യമങ്ങള് വാര്ത്തയും ചെയ്തിരുന്നു. ഇടുക്കി ജില്ലയിലെ കുഞ്ചിത്തണ്ണിയില് കണ്ടെത്തിയ പെണ്കുട്ടിയുടെ കാല് ജെസ്നയുടേതെന്ന് നിഗമനത്തില് ബന്ധുക്കളുടെ ഡിഎന്എ പരിശോധനയും പൂര്ത്തിയാക്കിയിരുന്നു.
https://www.facebook.com/Malayalivartha
