ജേക്കബ് വടക്കുംചേരിയെ ജയിലില് അടച്ചു; നടപടി എലിപ്പനിക്കെതിരെയുള്ള വ്യാജ പ്രചാരണത്തില്
എലിപ്പനി പ്രതിരോധ മരുന്ന് ആരോഗ്യത്തിന് ദോഷം ചെയ്യുമെന്ന് സോഷ്യല് മീഡിയയിലൂടെ പ്രചരിപ്പിച്ച ജേക്കബ് വടക്കുംചേരിയെ ജയിലില് അടച്ചു. തിരുവനന്തപുരം സിജെഎം കോടതിയാണ് ഈ മാസം 21 വരെ റിമാന്ഡ് ചെയ്ത് ജയിലില് അടച്ചത്. കഴിഞ്ഞ ദിവസം കൊച്ചി ചമ്പക്കരയിലെ സ്ഥാപനത്തില് നിന്ന് െ്രെകംബ്രാഞ്ചാണ് ഇയാളെ അറസ്റ്റ് ചെയ്തത്.
എലിപ്പനി പ്രതിരോധ മരുന്നായ ഡോക്സിസൈക്ളിന് ഉപയോഗത്തിനെതിരെ വ്യാജപ്രചാരണങ്ങള് നടത്തിയ ജേക്കബ് വടക്കുംചേരിക്കെതിരെ കടുത്ത നടപടികള് വേണമെന്ന മുറവിളികള് ശക്തമായിരുന്നു
ആരോഗ്യമന്ത്രി കെ.കെ ശൈലജയുടെ പരാതിയിയില് ഡിജിപിയുടെ നിര്ദ്ദേശപ്രകാരമാണ് നടപടി. ജേക്കബ് വടക്കുംചേരിക്കെതിരെ കേസ് എടുക്കണമെന്നാവശ്യപ്പെട്ട് ആരോഗ്യമന്ത്രി കെ കെ ശൈലജ ഡിജിപിക്ക് കത്ത് നല്കിയിരുന്നു. മുമ്പും രോഗപ്രതിരോധ മരുന്നുകള്ക്കെതിരെ നവമാദ്ധ്യമങ്ങളിലൂടെ പ്രചാരണം നടത്തിയിട്ടുണ്ട് ജേക്കബ് വടക്കുംചേരി. സമാനമായ കേസുകള് മുമ്പും വടക്കുംചേരിക്കെതിരെ രജിസ്റ്റര് ചെയ്തിരുന്നു.
https://www.facebook.com/Malayalivartha
