നഷ്ടപരിഹാരത്തേക്കാളുപരി കേസിലെ ഗൂഢാലോചന പുറത്തുകൊണ്ടുവരാനാണ് ഇത്രയും കാലം താന് കാത്തിരുന്നതെന്ന് നമ്പിനാരായണന്, ജൂഡീഷ്യല് അന്വേഷണത്തിന് കൃത്യമായ സമയപരിധി നിശ്ചയ്ക്കണം, ടേംസ് ഓഫ് റഫറന്സും മറ്റ് കാര്യങ്ങളും ലഭിച്ച ശേഷം കൂടുതല് പ്രതികരണം നല്കാമെന്നും നമ്പിനാരായണന്
ഐ.എസ്.ആര്.ഒ ചാരക്കേസില് സുപ്രീംകോടതിയില് നിന്ന് നീതി ലഭിച്ചതില് സന്തോഷമുണ്ടെന്ന് നമ്പിനാരായണന്. സ്പൈസിയായി ഒന്നും പറയാനില്ല. അന്വേഷണ ഉദ്യോഗസ്ഥര്ക്കെതിരെ നടപടി വേണം അതാണ് ആവശ്യപ്പെട്ടത്. അന്വേഷണ ഉദ്യോഗസ്ഥരില് നിന്ന് പിഴയീടാക്കുന്നത് ഭാവിയില് ഇത്തരം സംഭവം ഉണ്ടാവാതിരിക്കാന് സഹായിക്കുമെന്നാണ് പ്രതീക്ഷയെന്നും നമ്പി നാരായണന് പറഞ്ഞു. ഏറെ വൈകിയാണെങ്കിലും നീതി നടപ്പായതില് സന്തോഷിക്കുന്നു.
നഷ്ടപരിഹാരത്തെക്കാളുപരി കേസിലെ ഗൂഢാലോചന പുറത്തുകൊണ്ടുവരാനാണ് ഇത്രയും കാലം താന് കാത്തിരുന്നതെന്നും അദ്ദേഹം പറഞ്ഞു. സുപ്രിംകോടതി ഉത്തരവിട്ട ജൂഡീഷ്യല് അന്വേഷണത്തെക്കാള് നല്ലത് സി.ബി.ഐ അന്വേഷണമാണ്. ജൂഡീഷ്യല് അന്വേഷണത്തിന് കൃത്യമായ സമയപരിധി നിശ്ചയിക്കണം. അന്വേഷണത്തിന്റെ ടേംസ് ഓഫ് റഫറന്സ്, അതിലെ അംഗങ്ങള് എന്നിവയെ കുറിച്ചുള്ള വിവരങ്ങള് ലഭിച്ചിട്ടില്ല. കോടതി ഉത്തരവിന്റെ പകര്പ്പ് ലഭിച്ചതിനുശേഷം കൂടുതല് പ്രതികരിക്കുമെന്നും അദ്ദേഹം പറഞ്ഞു.
https://www.facebook.com/Malayalivartha
