തിരുവനന്തപുരം വിമാനത്താവളത്തിൽ വൻസ്വർണ വേട്ട. വിമാനത്താവളം വഴി കടത്താൻ ശ്രമിച്ച 28 ലക്ഷം രൂപ വിലവരുന്ന സ്വർണ്ണമാണ് പിടികൂടിയത്. മാർത്താണ്ഡം സ്വദേശിയായ ശഹീദ് അജ്മൽ ഖാൻ വിദേശത്ത് നിന്ന് കടത്താൻ ശ്രമിച്ച് സ്വർണമാണ് വിജിലൻസ് പിടികൂടിയത്. വിജിലൻസ് വിഭാഗത്തിന് ലഭിച്ച സൂചനയുടെ അടിസ്ഥാനത്തിൽ ബ്രീഫ്‌കേസിനുള്ളിൽ രഹസ്യമായി കടത്തിയ സ്വർണം പിടികൂടുകയായിരുന്നു.

ഇതിനു മുൻപും കേരളത്തിലെ വിമാന താവളങ്ങളിൽ നിന്ന് തുടർച്ചയായി സ്വർണം കടത്തിയിരുന്നു. എട്ട് കോടിയുടെ സ്വർണം കൊച്ചിയിൽ നിന്ന് പിടിച്ചതിന് ശേഷം സ്വർണക്കടത്ത് വ്യാപകമായി കുറഞ്ഞിരിക്കുകയായിരുന്നു. അതിനു ശേഷം ഇത് ആദ്യമായാണ് സ്വർണക്കടത്ത് റിപ്പോർട്ട് ചെയ്യുന്നത്. തിരുവനന്തപുരം , കൊച്ചി, കരിപ്പൂർ വിമാനത്താവളങ്ങൾ കേന്ദ്രീകരിച്ച് കേരളത്തിൽ സ്വർണക്കടത്ത് വ്യാപകമാണ് എന്ന രീതിയിലും വാർത്തകൾ ഉണ്ടായിരുന്നു.