ഐ.എസ്.ആര്.ഒ ചാരക്കേസില് കുറ്റവിമുക്തനായ ചന്ദ്രശേഖര് അന്തരിച്ചു
17 SEPTEMBER 2018 07:37 AM IST
മലയാളി വാര്ത്ത
ഐഎസ്ആര്ഒ ചാരക്കേസില് നമ്പി നാരായണനൊപ്പം പ്രതിപ്പട്ടികയില് ഉള്പ്പെട്ട ചന്ദ്രശേഖര് ബംഗളൂരുവില് അന്തരിച്ചു. 76 വയസ്സായിരുന്നു. കൊടിയ മര്ദ്ദനങ്ങളും പീഡനവും അനുഭവിക്കേണ്ടി വന്ന് മാനസികമായി തകര്ന്ന ചന്ദ്രശേഖര് കുറ്റവിമുക്തനാക്കപ്പെട്ടതിനു ശേഷം ബംഗളൂരുവില് വിശ്രമജീവിതം നയിക്കുകയായിരുന്നു. വൃക്ക സംബന്ധമായ അസുഖത്തെ തുടര്ന്ന് ആശുപത്രിയിലായിരുന്ന അദ്ദേഹം സുപ്രീം കോടതി വിധി വന്നതിന്റെ അന്ന് അബോധാവസ്ഥയിലാവുകയായിരുന്നു. ഹിന്ദുസ്ഥാന് മെഷീന് ടൂള്സില് ജനറല് മാനേജരായിരുന്ന കെ ജെ വിജയമ്മയാണ് ഭാര്യ.സംസ്കാരം തിങ്കളാഴ്ച്ച ഉച്ചകഴിഞ്ഞ് ബംഗളൂര് ഹൊബ്ബാളില് നടക്കും. റഷ്യന് കമ്പനിയായ ഗ്ളവ്കോസ്മോസിന്റെ ലെയ്സണ് ഏജന്റായിരിക്കെയാണ് ചാരക്കേസില് അനധികൃതമായി അറസ്റ്റിലാകുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
