കെഎസ്ആര്ടിസിയോട് ഉടക്കി ദേവസ്വം ബോര്ഡ്; നിരക്ക് വര്ദ്ധനവ് പിന്വലിച്ചില്ലെങ്കില് കെഎസ്ആര്ടിസിയുടെ സേവനം പമ്പയില് ആവശ്യമില്ലെന്ന് ദേവസ്വം ബോര്ഡ്
കെഎസ്ആര്ടിസിയുടെ കഴുത്തറപ്പന് നിലപാടിനെതിരെ കടുത്ത പ്രതിഷേധം. പമ്പാ നിലയ്ക്കല് റൂട്ടിലെ കെഎസ്ആര്ടിസി നിരക്ക് വര്ദ്ധനവില് പ്രതിഷേധവുമായി ദേവസ്വം ബോര്ഡ്. നിരക്ക് വര്ദ്ധനവ് പിന്വലിച്ചില്ലെങ്കില് കെഎസ്ആര്ടിസിയുടെ സേവനം പമ്പയില് ആവശ്യമില്ല. ഗതാഗത മന്ത്രിയെ ദേവസ്വം ബോര്ഡ് പ്രതിഷേധമറിയിച്ചു. വര്ദ്ധനവ് പിന്വലിച്ചില്ലെങ്കില് ബംഗളൂരുവില് നിന്ന് ഇലക്ട്രിക്ക് ബസുകള് വാടകയ്!ക്കെടുക്കുമെന്നും, സൗജന്യ സേവനം നടത്തുമെന്നും ദേവസ്വം ബോര്ഡ് അറിയിച്ചു.
കനത്ത മഴയാണ് സന്നിധാനത്ത്. മഴയെ അവഗണിച്ചും വന് ഭക്തജനത്തിരക്കാണ് സന്നിധാനത്ത് അനുഭവപ്പെടുന്നത്. കന്നിമാസ പൂജകള്ക്ക് ശേഷം സെപ്റ്റംബര് 21 ന് നടയടക്കും.
നിലയ്ക്കല് പമ്പ ബസ് ചാര്ജ് വര്ധനയിലും ബസ് സര്വീസ് വെട്ടിക്കുറച്ചതിലും വ്യാപക പ്രതിഷേധമാണ് ഉയര്ന്നത്. പ്രതിഷേധം. ശബരിമല തീര്ത്ഥാടകരും ഹിന്ദു ഐക്യവേദി അടക്കമുള്ള സംഘടനകളും പ്രതിഷേധവുമായി രംഗത്തെത്തിയിരുന്നു. 31 രൂപയായിരുന്നത് 40 രൂപയായാണ് വര്ദ്ധിപ്പിച്ചത്.
അതേസമയം, കന്നി മാസ പൂജകള്ക്കായി ശബരിമല നട തുറന്നു. മേല്ശാന്തി ഉണ്ണികൃഷ്ണന് നമ്പൂതിരിയാണ് നടതുറന്നത്. തുടര്ന്ന തന്ത്രി കണ്ഠരര് രാജീവര് അയ്യപ്പന്മാര്ക്ക് പ്രസാദം വിതരണം ചെയ്തു. പ്രളയത്തിന് ശേഷം ആദ്യമായാണ് ശബരിമല നടതുറക്കുന്നത്.
https://www.facebook.com/Malayalivartha
