നാടോടിക്കാറ്റിലെ പവനായി ഇന്നും ട്രോളുകാരുടെ ഉറ്റ തോഴന്‍
മലപ്പുറം കത്തി മുതല്‍ മിഷ്യന്‍ ഗണ്ണുവരെ ഡയലോഗ് പറഞ്ഞ പവനായി ഇനി ഓര്‍മ്മ. നാടോടിക്കാറ്റില്‍ തിലകന്‍ അങ്ങനെ പവനായി ശവമായി എന്നുപറയുമ്പോള്‍ മലയാളിയുടെ മനസ്സിലേക്ക് പവനായി ചിരിയുടെ മാലപ്പടക്കവുമായി ഓടിക്കയറുകയായിരുന്നു. മലയാളി ഉള്ളിടത്തോളം കാലം പവനായി അറിയപ്പെടും. ഇന്ന് മലയാളി എന്തുവലിയ വാദങ്ങള്‍ നടത്തിയാലും അവസാനം തിലകന്റെ ആ പവനായി ഡയലോഗ് കൂട്ടുപിടിക്കുമ്പോള്‍ മനസ്സിലാകും ആ കഥാപാത്രം എത്രത്തോളം ആഴത്തില്‍ പതിഞ്ഞിട്ടുണ്ടാകുമെന്ന്. ആദ്യ ചിത്രമായ രക്തം മുതല്‍ മാസ്റ്റര്‍ പീസ് വരെ മുതല്‍ അണമുറിയാത്ത സ്‌നേഹ പ്രവാഹമായിരുന്നു ക്യാപ്റ്റനെന്ന നല്ല മനുഷ്യന്‍. ചതിയും കള്ളത്തരവും നിറഞ്ഞ സിനിമാ മേഖലയ്ക്ക് ക്യാപ്റ്റനെന്ന സ്‌നേഹം നിറഞ്ഞ മനുഷ്യന്‍ ഒരത്ഭുതമായിരുന്നു.
1981ല്‍ പുറത്തിറങ്ങിയ രക്തമാണ് ആദ്യ ചിത്രം . ഹിന്ദി, തമിഴ്, കന്നഡ ചിത്രങ്ങളിലും അഭിനയിച്ചു . രണ്ട് സിനിമകള്‍ സംവിധാനം ചെയ്തിട്ടുണ്ട്. മാസ്റ്റര്‍ പീസ് ആയിരുന്നു അവസാന ചിത്രം . അഞ്ഞൂറിലേറ ചിത്രങ്ങളില്‍ അഭിനയിച്ച ക്യാപ്റ്റന്‍ രാജു സംവിധാനം ചെയ്ത ചിത്രങ്ങളാണ് ഇതാ ഒരു സ്‌നേഹഗാഥ, മിസ്റ്റര്‍ പവനായി എന്നീ ചിത്രങ്ങള്‍.
പക്ഷാഘാതത്തെ തുടര്‍ന്ന് ഏറെ നാളുകളായി കിടപ്പിലായിരുന്നു. നേരത്തെ മകന്റെ വിവാഹാവശ്യത്തിന് വേണ്ടി അമേരിക്കയിലേക്ക് പോവുന്നതിന് ഇടയില്‍ പക്ഷാഘാതം നേരിട്ടിരുന്നു, ഇതിന് ശേഷം ഇദ്ദേഹം ആരോഗ്യനില വീണ്ടെടുത്തിരുന്നു.
തിരുവല്ല ഓമല്ലൂര്‍ സ്വദേശിയാണ് ക്യാപറ്റന്‍ രാജു. വിവിധ വിഷയങ്ങളില്‍ ശക്തമായ നിലപാടെടുത്ത നടന്‍ കൂടിയായിരുന്നു ക്യാപറ്റന്‍ രാജു. ഇടക്കാലത്ത് സിനിമയില്‍ നിന്ന് മാറി നിന്ന ക്യാപറ്റന്‍ രാജു നിരവധി സീരിയലുകളിലും അഭിനയിച്ചിട്ടുണ്ട്. ഒരു പ്രൊഫഷണല്‍ കില്ലറെ എത്രത്തോളം തമാശയോടെ അവതരിപ്പിക്കാം എന്നതിന് തെളിവാണ് പവനായി.
https://www.facebook.com/Malayalivartha
