പൂട്ടിന് മറുപൂട്ടുമായി ബിഷപ്പ് എത്തും; ബിഷപ്പിന് കനത്ത സുരക്ഷ ഒരുക്കി കേരള പോലീസ്; ഫ്രോങ്കോ എത്തുക മുന്കൂര് ജാമ്യാപേക്ഷ നല്കിയ ശേഷം; അന്വേഷണ സംഘത്തിനു മുന്നില് ഹാജരാകുന്നത് അപകടമെന്ന് നിയമോപദേശം
ബിഷപ്പ് തിരിച്ചുപോകാന് പാടുപെടും. വൈരുധ്യങ്ങളില് അന്വേഷണം പൂര്ത്തിയാക്കിയ അന്വേഷണസംഘം ബിഷപ്പിനെ ചോദ്യം ചെയ്യാനുളള ഒരുക്കങ്ങളിലാണ്. 95 സാക്ഷികളുടെ മൊഴികള് പരിശോധിച്ച് ചോദ്യാവലി തയാറാക്കുകയാണ് അന്വേഷണസംഘം. ബിഷപിനെ മൂന്നുദിവസംവരെ ചോദ്യം ചെയ്തേക്കാമെന്നാണ് സൂചനകള്. കോട്ടയത്ത് മൂന്നിടത്തായി പൊലീസ് ഒരുക്കങ്ങള് നടത്തുന്നുണ്ട്.
കന്യാസ്ത്രീയെ ബലാല്സംഗം ചെയ്തെന്ന കേസില് മുന്കൂര് ജാമ്യാപേക്ഷ നല്കിയശേഷം ചോദ്യം ചെയ്യലിനു ഹാജരാകാന് ബിഷപ്പ് ഫ്രാങ്കോ മുളയ്ക്കല് ആലോചിക്കുന്നു. ബിഷപ്പുമായി ബന്ധപ്പെട്ടവര് കൊച്ചിയിലെയും ജലന്ധറിലെയും അഭിഭാഷകരുമായി കൂടിയാലോചന നടത്തി.
മുന്കൂര് ജാമ്യം തേടാതെ അന്വേഷണസംഘത്തിനു മുന്നില് ഹാജരാകുന്നത് അപകടമാണെന്നാണു ബിഷപ്പിനു കിട്ടിയ നിയമോപദേശം. ബുധനാഴ്ച ചോദ്യം ചെയ്യലിനായി വൈക്കം ഡിെവെ.എസ്.പി. ഓഫീസില് ഹാജരാകാനാണു ബിഷപ്പ് ഫ്രാങ്കോ മുളയ്ക്കലിനു നോട്ടീസ് നല്കിയത്.
പറഞ്ഞ സമയത്തുതന്നെ ഹാജരാകുമെന്നും തന്നെ അറസ്റ്റ് ചെയ്യില്ലെന്നുമായിരുന്നു അടുപ്പക്കാരോടു ബിഷപ് പറഞ്ഞിരുന്നത്. എന്നാല് ബിഷപ്പുമായും ജലന്ധര് രൂപതയുമായും ബന്ധപ്പെട്ട ചിലരാണു കൊച്ചിയിലെയും ജലന്ധറിലെയും മുതിര്ന്ന അഭിഭാഷകരുമായി കൂടിക്കാഴ്ച നടത്തിയത്. െഹെക്കോടതിക്കു മുന്നില് കന്യാസ്ത്രീകള് സമരം തുടരുന്ന പശ്ചാത്തലത്തില് അറസ്റ്റ് ചെയ്യാതെ വിട്ടയച്ചാല് അതു പോലീസിനും സര്ക്കാരിനും സമ്മര്ദമുണ്ടാക്കും. എന്നാല്, കോടതി ഇടപെട്ടാല് സര്ക്കാരിനു തലവേദന മാറിക്കിട്ടും.
സര്ക്കാരുമായി അടുപ്പമുള്ളവരും കോടതിയെ സമീപിക്കാന് ബിഷപ്പിനെ ഉപദേശിക്കുന്നുണ്ട്. പന്ത് കോടതിയുടെ കോര്ട്ടിലെത്തിക്കാനാണു സര്ക്കാരും ആഗ്രഹിക്കുന്നത്. മൂന്നു പോംവഴികളാണു ബിഷപ്പിന്റെ അഭിഭാഷകര് മുന്നോട്ടുവയ്ക്കുന്നത്. തിങ്കളാഴ്ചയോ ചൊവ്വാഴ്ചയോ െഹെക്കോടതിയില് മുന്കൂര് ജാമ്യാപേക്ഷ നല്കുക എന്നതാണ് ആദ്യ വഴി. മുന്കൂര് ജാമ്യാപേക്ഷ നിലനില്ക്കുമ്പോള് അറസ്റ്റ് ചെയ്യാന് നിയമതടസമില്ലെങ്കിലും പോലീസ് ഒന്നു മടിക്കും. മുന്കൂര് ജാമ്യാപേക്ഷയില് തീരുമാനമാകുംവരെ അറസ്റ്റ് പാടില്ലെന്നു കോടതിയില്നിന്ന് ഇടക്കാല ഉത്തരവോ വാക്കാല് പരാമര്ശമോ നേടിയെടുത്തശേഷം ബുധനാഴ്ച ചോദ്യം ചെയ്യലിനു ഹാജരാകുക എന്നതാണു രണ്ടാമത്തെ സാധ്യത.
മുന്കൂര് ജാമ്യാപേക്ഷയില് തീരുമാനമായശേഷം ചോദ്യം ചെയ്യലിനു ഹാജരാകാമെന്ന് ഇപ്പോഴത്തെ നോട്ടീസിനു മറുപടി നല്കുക എന്നതാണു മൂന്നാമത്തെ സാധ്യത. എന്നാല് ചോദ്യം ചെയ്യലിനു ഹാജരാകാതിരുന്നാല് അത് കൂടുതല് സംശയങ്ങള്ക്കും വ്യാഖ്യാനത്തിനും ഇടനല്കുമെന്നും ബിഷപ്പിന്റെ സഹായികള് കരുതുന്നു. അതുകൊണ്ടുതന്നെ കരുതലോടെയാണു ബിഷപ്പിന്റെ നീക്കങ്ങള്.
https://www.facebook.com/Malayalivartha
