ചലച്ചിത്ര ലോകത്തിന് വലിയ നഷ്ടം... ക്യാപ്റ്റന് രാജുവിന്റെ മരണത്തില് അനുശോചിച്ച് മുഖ്യമന്ത്രി പിണറായി വിജയന്
നടന് ക്യാപ്റ്റന് രാജുവിന്റെ നിര്യാണത്തില് അനുശോചിച്ച് മുഖ്യമന്ത്രി പിണറായി വിജയന്. വില്ലന് വേഷങ്ങള്ക്ക് പുതിയ മാനം നല്കിയ കലാകാരനായിരുന്നു അദ്ദേഹമെന്നും വിവിധ ഭാഷകളിലായി അഞ്ഞൂറിലധികം സിനിമകളില് അഭിനയിച്ച ക്യാപ്ടന് രാജു സ്വഭാവ നടനായും തിളങ്ങിയിരുന്നുവെന്നും അദ്ദേഹത്തിന്റെ നിര്യാണം ചലച്ചിത്ര ലോകത്തിന് വലിയ നഷ്ടമാണെന്നും മുഖ്യമന്ത്രി അനുശോചന സന്ദേശത്തില് പറഞ്ഞു.
ഇന്ന് രാവിലെ കൊച്ചിയിലെ സ്വവസതിയില് വച്ചാണ് ക്യാപ്റ്റന് രാജു അന്തരിച്ചത്. ഏറെ കാലമായി രോഗബാധിതനായിരുന്നു. ഹിന്ദി, തമിഴ്, മലയാളം, കന്നഡ, തെലുഗു ചിത്രങ്ങളില് അഭിനയിച്ചിട്ടുണ്ട്. അറുപത്തെട്ട് വയസായിരുന്നു. വില്ലനായും സ്വഭാവ നടനായും മലയാളം സിനിമകളില് തിളങ്ങിയിട്ടുണ്ട്. രണ്ട് സിനിമകള് സംവിധാനം ചെയ്തിട്ടുണ്ട്.
1950 ജൂണ് 27ന് ഓമല്ലൂരില് കെ.ജി. ഡാനിയേലിന്റെയും അന്നമ്മയുടെയും മകനായി ജനിച്ച രാജു ഓമല്ലൂര് ഗവ: യു.പി. സ്കൂളിലും എന്.എസ്.എസ്. ഇംഗ്ലീഷ് മീഡിയം സ്കൂളിലുമായി വിദ്യാഭ്യാസം പൂര്ത്തിയാക്കി. പത്തനംതിട്ട കാത്തോലിക്കേറ്റ് കോളേജില് നിന്നാണ് അദ്ദേഹം കോളേജ് വിദ്യാഭ്യാസം പൂര്ത്തിയാക്കിയത്. 21ആം വയസ്സില് ഇന്ത്യന് പട്ടാളത്തില് ചേര്ന്നു. പട്ടാള ജീവിതത്തിനു ശേഷമാണ് രാജു ചലച്ചിത്രരംഗത്തേക്കു കടന്നത്.
https://www.facebook.com/Malayalivartha
