സുഹൃത്തിനോട് സംസാരിച്ചതിന് പെണ്‍കുട്ടിയെ പൊലീസ് അറസ്റ്റ് ചെയ്‌തെന്ന പരാതിയുമായി നടിയും സാമൂഹ്യപ്രവര്‍ത്തകയുമായ മാലാ പാര്‍വ്വതി രംഗത്ത്. കൂട്ടുകാരനോട് സംസാരിച്ചതിന് പെണ്‍കുട്ടിയെ കൊച്ചി കച്ചേരി പടി  പൊലീസ് അറസ്റ്റ് ചെയ്തെന്ന് വിശദീകരിച്ചുകൊണ്ടാണ് അവര്‍ പൊലീസിനെതിരെ വിമര്‍ശനമഴിച്ചുവിട്ടത്.

താന്‍ സ്റ്റേഷനില്‍ പോയി സിഐ, എസ് ഐ എന്നിവരെ കണ്ടിട്ടും പൊലീസ് പെണ്‍കുട്ടിയെ വിട്ടയച്ചില്ലെന്നും മാല പാര്‍വ്വതി പറയുന്നു. സെക്ഷന്‍ 354,120 പ്രകാരം പ്രണയത്തെക്കുറിച്ചും ഇഷ്ടത്തെക്കുറിച്ചും പറഞ്ഞാല്‍ അറസ്റ്റ് ചെയ്യാമെന്ന് പൊലീസ് പറഞ്ഞതായും അവര്‍ വ്യക്തമാക്കി. ഫേസ്ബുക്ക് ലൈവിലൂടെയാണ് സംഭവത്തെക്കുറിച്ച് മാല പാര്‍വ്വതി അറിയിച്ചത്.