നടിയുടെ സുരക്ഷയെ ബാധിക്കുമെന്ന പ്രോസിക്യൂഷന്‍ നിലപാടിനെതിരെ കേസിന്റെ മുഴുവന്‍ രേഖയും ലഭിക്കുകയെന്നത് പ്രതിഭാഗത്തിന്റെ അവകാശമാണെന്ന് വാദിച്ചായിരുന്നു ദിലീപ് ഹര്‍ജി നല്‍കിയത്. ആ ഹർജി പരിഗണനയിലാണ് ദിലീപിന് വിദേശത്തേക്ക് പോകാന്‍ അനുമതി നൽകിയത്.

എറണാകുളം അഡീഷണല്‍ സെഷന്‍സ് കോടതിയാണ് അനുമതി നല്‍കിയത്. ഈ മാസം 20 മുതല്‍ 22 വരെ ദോഹയില്‍ പോകുന്നതിനാണ് കോടതി അനുമതി നല്‍കിയത്. അതേസമയം, ദിലീപ് ആവശ്യപ്പെട്ട 35 രേഖകളില്‍ 7 രേഖകള്‍ കൈമാറാനാകില്ലെന്ന് പോലീസ് വ്യക്തമാക്കി. കേസ് അടുത്ത മാസം എട്ടിന്‌ വീണ്ടും പരിഗണിക്കും.