പമ്പ റൂട്ടില് കൂട്ടിയ ടിക്കറ്റുനിരക്ക് കെഎസ്ആര്ടിസി കുറയ്ക്കില്ല ; നിരക്കു കൂട്ടാന് കാരണം ഇന്ധനവില വര്ധനയാണെന്ന് അയ്യപ്പ ഭക്തര്ക്ക് മനസ്സിലാകുമെന്ന് ഗതാഗത മന്ത്രി
പമ്പ റൂട്ടില് കൂട്ടിയ ടിക്കറ്റുനിരക്ക് കെഎസ്ആര്ടിസി കുറയ്ക്കില്ലെന്നു ഗതാഗത മന്ത്രി എ.കെ.ശശീന്ദ്രന്. ഇന്ധനവില വര്ധനയാണു നിരക്കു കൂട്ടാന് കാരണമെന്നും ഇക്കാര്യം അയ്യപ്പ ഭക്തര്ക്ക് മനസ്സിലാകുമെന്നും മന്ത്രി വ്യക്തമാക്കി. കഴിഞ്ഞ ദിവസമാണ് പമ്പയില് കെഎസ്ആര്ടിസി അമിത നിരക്ക് ഈടാക്കി തുടങ്ങിയത്. ഇതിനെതിരെ അയ്യപ്പ ഭക്തരും ദേവസ്വം ബോര്ഡും രംഗത്തെത്തിയിരുന്നു. 31 രൂപയായിരുന്നത് 40 രൂപയായാണ് വര്ദ്ധിപ്പിച്ചത്.
അതേസമയം പമ്പയിലേക്ക് ദേവസ്വം ബോര്ഡ് വാഹനസര്വീസ് ഏര്പ്പെടുത്തിയാല് കെഎസ്ആര്ടിസി പിന്മാറുമെന്നും ത്യാഗം സഹിച്ച് കെഎസ്ആര്ടിസി ബസ് ഓടിക്കേണ്ടതില്ലെന്നും ശശീന്ദ്രന് കൂട്ടിച്ചേര്ത്തു. പമ്പാ നിലയ്ക്കല് റൂട്ടിലെ കെഎസ്ആര്ടിസി നിരക്ക് വര്ദ്ധനവില് പ്രതിഷേധവുമായി ദേവസ്വം ബോര്ഡ്. നിരക്ക് വര്ദ്ധനവ് പിന്വലിച്ചില്ലെങ്കില് കെഎസ്ആര്ടിസിയുടെ സേവനം പമ്പയില് ആവശ്യമില്ല. ഗതാഗത മന്ത്രിയെ ദേവസ്വം ബോര്ഡ് പ്രതിഷേധമറിയിച്ചു. വര്ദ്ധനവ് പിന്വലിച്ചില്ലെങ്കില് ബംഗളൂരുവില് നിന്ന് ഇലക്ട്രിക്ക് ബസുകള് വാടകയ്!ക്കെടുക്കുമെന്നും, സൗജന്യ സേവനം നടത്തുമെന്നും ദേവസ്വം ബോര്ഡ് അറിയിച്ചു.
കനത്ത മഴയാണ് സന്നിധാനത്ത്. മഴയെ അവഗണിച്ചും വന് ഭക്തജനത്തിരക്കാണ് സന്നിധാനത്ത് അനുഭവപ്പെടുന്നത്. കന്നിമാസ പൂജകള്ക്ക് ശേഷം സെപ്റ്റംബര് 21 ന് നടയടക്കും.
നിലയ്ക്കല് പമ്പ ബസ് ചാര്ജ് വര്ധനയിലും ബസ് സര്വീസ് വെട്ടിക്കുറച്ചതിലും വ്യാപക പ്രതിഷേധമാണ് ഉയര്ന്നത്. പ്രതിഷേധം. ശബരിമല തീര്ത്ഥാടകരും ഹിന്ദു ഐക്യവേദി അടക്കമുള്ള സംഘടനകളും പ്രതിഷേധവുമായി രംഗത്തെത്തിയിരുന്നു.
https://www.facebook.com/Malayalivartha
