പ്രധാനമന്ത്രിയുടെ ആരോഗ്യത്തിനും വിശ്രമമില്ലാതെ ജോലി ചെയ്യുന്നതിനുള്ള ഊര്ജത്തിനുമായി പ്രാര്ഥിക്കുന്നു; പ്രധാനമന്ത്രി നരേന്ദ്ര മോദിക്ക് ജന്മദിന ആശംസകള് നേര്ന്ന് മോഹന്ലാല്
പ്രധാനമന്ത്രി നരേന്ദ്ര മോദിയുടെ അറുപത്തി എട്ടാം ജന്മദിനമായ ഇന്ന് ജന്മദിന ആശംസകള് നേര്ന്ന് നടന് മോഹന്ലാല്. പ്രധാനമന്ത്രിയുടെ ആരോഗ്യത്തിനും വിശ്രമമില്ലാതെ ജോലി ചെയ്യുന്നതിനുള്ള ഊര്ജത്തിനുമായി പ്രാര്ഥിക്കുന്നതായി ലാല് സന്ദേശത്തില് അറിയിച്ചു. ട്വിറ്ററിലൂടെയാണ് മോഹന്ലാല് ആശംസകള് നേര്ന്നത്. മോഹന്ലാലിന്റെ ആശംസകള്ക്ക് നന്ദി അറിയിച്ച് പ്രധാനമന്ത്രിയും റീട്വീറ്റ് ചെയ്തു.
അടുത്തിടെ മോഹന്ലാല് പ്രധാനമന്ത്രി കൂടി കാഴ്ച ഏറെ വിവാദം സൃഷ്ടിച്ചിരുന്നു. വരുന്ന അലോക്സഭാ തെരഞ്ഞെടുപ്പിൽ മോഹന് ലാല് ബിജെപി സ്ഥാനാര്ത്ഥിയാകുമെന്ന് അഭ്യൂഹങ്ങള് ഉണ്ടായിരുന്നു. അതേസമയം മാതാവിന്റെയും പിതാവിന്റെയും പേരിലുള്ള വിശ്വശാന്തി ഫൗണ്ടേഷന്റെ പ്രവര്ത്തനങ്ങളുമായി ബന്ധപ്പെട്ടാണ് പ്രധാനമന്ത്രിയെ കണ്ടത് എന്നായിരുന്നു മോഹൻലാലിന്റെ വിശദീകരണം.
സ്വന്തം മണ്ഡലമായ വാരണാസിയിലാണ് മോദിയുടെ ജന്മദിനം ചെലവഴിക്കുന്നത്. ഇന്നും നാളെയും അദ്ദേഹം വാരണാസിയിൽ വിവിധ പരിപാടികളിൽ പങ്കെടുക്കും. ഉച്ചയോടെ മണ്ഡലത്തിലെത്തുന്ന മോദി വാരണാസി ജില്ലയിലെ നരൗർ ഗ്രാമത്തിൽ കാശി വിദ്യാപീഠത്തിലെ പ്രൈമറി സ്കൂൾ വിദ്യാർഥികളുമായി സംവദിക്കും.
നാളെ ബനാറസ് ഹിന്ദു യുണിവേഴ്സിറ്റിയിലെ ആംഫി തിയേറ്ററിൽ നടക്കുന്ന ചടങ്ങിൽ 500 കോടിയുടെ വികസന പദ്ധതികളുടെ ഉദ്ഘാടനം പ്രധാനമന്ത്രി നിർവഹിക്കും. പുതിയ പദ്ധതികളുടെ പ്രഖ്യാപനവും ഉണ്ടാകും. മോദിയുടെ ജന്മദിനത്തോട് അനുബന്ധിച്ച് ജില്ലയിലെ 68 ഇടങ്ങളിൽ പ്രത്യേക മെഡിക്കൽ ക്യാമ്പ് സംഘടിപ്പിക്കും. പ്രസിഡന്റ് രാം നാഥ് കോവിന്ദ് ഉള്പ്പെടെ നിരവധി രാഷ്ട്രീയ, സിനിമാ പ്രവര്ത്തകര് ട്വിറ്ററിലൂടെ പ്രധാനമന്ത്രിയ്ക്ക് ജന്മദിനാശംസകള് അറിയിച്ചു.
https://www.facebook.com/Malayalivartha
