കന്യാസ്ത്രീകളുടെ സമരം പതിനൊന്നാം ദിവസം: ചോദ്യംചെയ്യലില് അറസ്റ്റുണ്ടാകില്ലെന്ന് പ്രതീക്ഷ; മുന്കൂര് ജാമ്യാപേക്ഷ നല്കാനുള്ള നീക്കത്തില്നിന്നു ബിഷപ് ഫ്രാങ്കോ മുളയ്ക്കല് പിന്മാറി
ബിഷപ്പ് വരും കൂളായിത്തന്നെ. അന്വേഷണസംഘത്തിനു മുന്നില് ഹാജരാകുന്നതിനു മുമ്പ് കോടതിയില് മുന്കൂര് ജാമ്യാപേക്ഷ നല്കാനുള്ള നീക്കത്തില്നിന്നു ബിഷപ് ഫ്രാങ്കോ മുളയ്ക്കല് പിന്മാറിയതായി സൂചന. നാളത്തെ ചോദ്യംചെയ്യലില് അറസ്റ്റുണ്ടാകില്ലെന്നാണ് അദ്ദേഹത്തിന്റെ പ്രതീക്ഷ. അതേസമയം, നാളെ അറസ്റ്റ് ചെയ്യരുതെന്നും കന്യാസ്ത്രീപീഡനം സംബന്ധിച്ച ഹര്ജികളില് വിശദമായ വാദം കേള്ക്കണമെന്നും ആവശ്യപ്പെട്ട് ഇടക്കാല ഹര്ജി നല്കാന് ആലോചനയുണ്ട്. അറസ്റ്റ് നീട്ടിവയ്ക്കണമെന്നും ആവശ്യമെങ്കില് വീണ്ടും ചോദ്യംചെയ്യലിനു ഹാജരാകാമെന്നും ആവശ്യപ്പെടാനാണു സാധ്യത.കൊലപാതകക്കേസില് അഡ്വ. സി.പി. ഉദയഭാനു, നടിയെ പീഡിപ്പിച്ചെന്ന കേസില് സംവിധായകന് നാദിര്ഷ എന്നിവര് ഈ ആവശ്യവുമായി െഹെക്കോടതിയെ സമീപിച്ച ചരിത്രമുണ്ട്. .
ബിഷപ്പിനെ ചോദ്യംചെയ്യാനുള്ള ചോദ്യാവലിയും തയാറാക്കി. ചോദ്യംചെയ്യല് ഒരു ദിവസം കൊണ്ടു പൂര്ത്തിയാകില്ലെന്നാണ് അന്വേഷണസംഘം നല്കുന്ന സൂചന. അറസ്റ്റിന്റെ കാര്യം തീരുമാനിച്ചിട്ടില്ല. ബിഷപ്പിന്റെ മൊഴിയുടെ അടിസ്ഥാനത്തില് തെളിവു ശേഖരിക്കാന് ഏതാനും ദിവസം വേണ്ടിവന്നേക്കും. അതിനിടെ ജലന്ധറിലേക്കു മടങ്ങരുതെന്നു നിര്ദേശിക്കും. ആദ്യം അന്വേഷണോദ്യോഗസ്ഥനായ വൈക്കം ഡിെവെ.എസ്.പിയും തുടര്ന്നു കോട്ടയം എസ്.പിയും ചോദ്യംചെയ്യും. അതിനിടെ, കേസ് ഒതുക്കിത്തീര്ക്കാന് കന്യാസ്ത്രീക്കു പത്തേക്കര് സ്ഥലം വാഗ്ദാനം ചെയ്തുവെന്ന ആരോപണത്തില് ചില തെളിവുകള് ലഭിച്ചതായി സൂചനയുണ്ട്. തെളിവുകള്ക്കു കൂടുതല് വ്യക്തത ആവശ്യമെങ്കില് ബിഷപ്പിനെ വീണ്ടും വിളിച്ചുവരുത്തും. 24ന് അന്വേഷണ പുരോഗതി അറിയിക്കാനാണു ഹൈക്കോടതി ആവശ്യപ്പെട്ടിരിക്കുന്നത്. പോലീസിനു മുന്നില് ഹാജരാകുന്നതിനു മുന്നോടിയായി ബിഷപ് ഫ്രാങ്കോ മുളയ്ക്കല് ജലന്ധര് രൂപതയുടെ ഭരണച്ചുമതല ഒഴിഞ്ഞു. കന്യാസ്ത്രീയുടെ പരാതിയില് ബിഷപ്പിനെ ചോദ്യം ചെയ്യാനുള്ള നടപടികള് അന്വേഷണസംഘം പൂര്ത്തിയാക്കി. കന്യാസ്ത്രീയുടെ മൊഴിയിലെ െവെരുധ്യങ്ങള് പരിഹരിച്ച് വ്യക്തത വരുത്തിക്കഴിഞ്ഞു. ബിഷപ്പിന്റെ മൊഴിയുടെ അടിസ്ഥാനത്തില് വീണ്ടും കന്യാസ്ത്രീയുടെ മൊഴിയെടുക്കും. പൊരുത്തക്കേടുകള് ദൂരീകരിക്കാന് ഒന്നിച്ചിരുത്തി ചോദ്യംചെയ്യാനും അന്വേഷണസംഘം തുനിഞ്ഞേക്കും
https://www.facebook.com/Malayalivartha
