കണ്ണൂര് രാജ്യാന്തര വിമാനത്താവളത്തിന് ലൈസന്സ് ലഭിക്കുന്നതിനൂള്ള അന്തിമ പരിശോധന ഇന്ന്, ലൈസന്സിനുള്ള നടപടിക്രമങ്ങള് ഈ മാസം തന്നെ പൂര്ത്തീകരിക്കുമെന്ന് സിവില് ഏവിയേഷന് വിഭാഗം
18 SEPTEMBER 2018 08:15 AM IST
മലയാളി വാര്ത്ത
കണ്ണൂര് രാജ്യാന്തര വിമാനത്താവളത്തിന് ലൈസന്സ് ലഭിക്കുന്നതിന് മുന്നോടിയായുള്ള അന്തിമ പരിശോധനകള്ക്കായി ഡയറക്ടര് ജനറല് ഓഫ് സിവില് ഏവിയേഷന് ഉദ്യോഗസ്ഥര് കണ്ണൂരിലെത്തി. പരിശോധന പൂര്ത്തിയാക്കി നാളെ മടങ്ങും. ഡി.ജി.സി.എ, എയര്പോര്ട്ട് അതോറിറ്റി എന്നിവയുടെ ഡല്ഹിയില് നിന്നുള്ള ഉദ്യോഗസ്ഥരായ അശ്വിന്, സമ്പത്ത് എന്നിവരാണ് പരിശോധനകള്ക്കായി കണ്ണൂരിലെത്തിയത്.
പരിശോധനക്കുശേഷം ഉദ്യോഗസ്ഥര് നല്കുന്ന റിപ്പോര്ട്ട് പരിഗണിച്ച് വിമാനത്താവളത്തിന് ലൈസന്സ് നല്കുന്നത് വ്യോമയാന മന്ത്രാലയം പരിഗണിക്കും. ലൈസന്സിനുള്ള നടപടിക്രമങ്ങള് ഈ മാസം തന്നെ പൂര്ത്തീകരിക്കുമെന്നാണ് സിവില് ഏവിയേഷന് വിഭാഗം ഉറപ്പ് നല്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
