ബിഷപ്പ് ഫ്രാങ്കോ മുളയ്ക്കലിനെതിരായ പീഠന പരാതിയില് ബിഷപ്പിന് തല്ക്കാല ആശ്വാസം; കോടതി തീരുമാനമറിഞ്ഞശേഷം അറസ്റ്റ് മതിയെന്ന് പോലീസ്; സര്ക്കാരിന്റെ നിലപാട് അറിയിക്കണമെന്നും ഹൈക്കോടതി
കേരളമാകെ ഉറ്റു നോക്കിക്കൊണ്ടിരുന്ന ഒരു കേസിന്റെ നിര്ണായക വിധിയാണ് ഇന്ന് ഉണ്ടായതനല്കുന്നതാണ് ഈ വിധി. അറസ്റ്റ് ഉടന് ഉണ്ടാകില്ലെന്നും. കോടതി തീരുമാനമറിഞ്ഞശേഷം മാത്രം അറസ്റ്റ് മതി എന്നുമാണു പൊലീസിന്റെ നിലപാട്. ഇക്കാര്യത്തില് സര്ക്കാരും നിലപാട് അറിയിക്കണമെന്നും ഹൈക്കോടതി ആവശ്യപ്പെട്ടു. ജസ്റ്റിസ് രാജാ വിജയരാഘവന്റെ ബഞ്ചിലാണ് കേസ് പരിഗണിച്ചത്
കന്യാസ്ത്രീയുടെ പീഡനപരാതിയില് ജലന്ത് ബിഷപ്പ് ഫ്രാങ്കോ മുളക്കലിനെ ഉടന് അറസ്റ്റ് ചെയ്യില്ലെന്നു പൊലീസ്. കോടതി തീരുമാനമറിഞ്ഞശേഷം അറസ്റ്റ് മതിയെന്നാണു പൊലീസിന്റെ തീരുമാനം. അതിനിടെ, ബിഷപ്പ് ഫ്രാങ്കോ മുളക്കല് സമര്പ്പിച്ച മുന്കൂര് ജാമ്യാപേക്ഷ ഹൈക്കോടതി ഈ മാസം 25ലേക്കാണ് മാറ്റിവച്ചത്. ഇക്കാര്യത്തില് സര്ക്കാരിന്റെ നിലപാട് അറിയിക്കണമെന്നും ഹൈക്കോടതി ആവശ്യപ്പെട്ടു. സര്ക്കാരിനുവേണ്ടി ഡയറക്ടര് ജനറല് ഓഫ് പ്രോസിക്യൂഷനാണ് ഹാജരാകുന്നത്. നാളെയാണ് ഫ്രാങ്കോയെ ചോദ്യം ചെയ്യുന്നത്.
ബിഷപ്പിന്റെ അറസ്റ്റ് ഉണ്ടാകുമെന്നു പ്രതീക്ഷയുള്ളതായി കന്യാസ്ത്രീകള് പറഞ്ഞു. അറസ്റ്റു തടയാത്തതു കോടതി സത്യത്തിനൊപ്പമെന്നതിന്റെ സൂചനയാണെന്നും അവര് കൂട്ടിച്ചേര്ത്തു. കന്യാസ്ത്രീക്ക് തന്നോടുള്ള വ്യക്തിവിരോധമാണ് പരാതിക്കു പിന്നിലെന്നും, താന് നിരപരാധിയാണെന്നും ചൂണ്ടിക്കാട്ടിയാണ് ബിഷപ്പ് ഹര്ജി നല്കിയത്. അന്വേഷണവുമായി പൂര്ണമായും സഹകരിക്കാന് തയാറാണെന്നും അറസ്റ്റ് ഒഴിവാക്കണമെന്നും ബിഷപ്പ് ഹര്ജിയില് ആവശ്യപ്പെടുന്നു.
ബിഷപ്പിനെ ചോദ്യംചെയ്ത ശേഷം അറസ്റ്റ് ചെയ്യണമോ എന്ന കാര്യം അന്വേഷണോദ്യോഗസ്ഥന് തീരുമാനിക്കാമെന്ന് ഡയറക്ടര് ജനറല് ഓഫ് പ്രോസിക്യൂഷന് വ്യക്തമാക്കി. ഒരുമിനിറ്റ് മാത്രം നീണ്ട നടപടിക്രമം മാത്രമാണ് ഇന്ന് ഹൈക്കോടതിയില് ഉണ്ടായത്. അറസ്റ്റ് തടയണം എന്ന് ഹര്ജിക്കാരന് കോടതിയില് ആവശ്യപ്പെട്ടില്ല. ഇപ്പോഴത്തെ സ്ഥിതിയില് അന്വേഷണ സംഘത്തിന് അറസ്റ്റ് ചെയ്യാന് തടസ്സമില്ലെന്നും കോടതി നിരീക്ഷിച്ചു
അതേസമയം തന്നെ അനാവശ്യമായി കേസില് കുടുക്കിയതാണെന്നാണ് ബിഷപ്പ് ഹര്ജിയില് ചൂണ്ടിക്കാണിച്ചിരിക്കുന്നത്. അധികാരത്തര്ക്കമാണ് കേസിന് ആധാരം. മിഷണറീസ് ഓഫ് ജീസസില് നിലനില്ക്കുന്ന തര്ക്കങ്ങളും കേസിന് കാരണമായെന്നും ബിഷപ്പ് ചൂണ്ടിക്കാണിക്കുന്നു. പരാതിയില് പറയുന്ന കുറ്റം താന് ചെയ്തിട്ടില്ലെന്നാണ് ബിഷപ്പിന്റെ വാദം. 19ന് ചോദ്യംചെയ്യലിന് ഹാജരാകാനാണ് ബിഷപ്പിന് നോട്ടീസ് നല്കിയിരുന്നത്. അതേസമയം ഫ്രാങ്കോ മുളക്കല് ജലന്ധറില് നിന്ന് കേരളത്തിലേക്ക് തിരിച്ചുവെന്നാണ് വിവരം.
https://www.facebook.com/Malayalivartha
