ബിജെപിയിലെത്തുന്ന ആ കരുത്തന് ആര്; ഇന്ത്യ മുഴുവന് പ്രമുഖ താരങ്ങളെ നിരത്തി ലോസഭാ തെരെഞ്ഞടുപ്പിനെ നേരിടാനൊരുങ്ങുന്ന ബിജെപിയുടെ കേരളത്തിലെ ശക്തനുവേണ്ടിയുള്ള കാത്തിരിപ്പില് അണികള്
ഇന്ത്യ മുഴുവന് പ്രമുഖ താരങ്ങളെ നിരത്തി ലോസഭാ തെരെഞ്ഞടുപ്പിനെ നേരിടാനാണ് ബിജെപി ലക്ഷ്യമിടുന്നത്. അതിന്റെ ഭാഹമായി കേരളത്തിലും കരുത്തരെ ഇറക്കുകാനുള്ള നടപടികള് അണിയറയില് നടക്കുന്നുണ്ട്. ഏറെപ്രതീക്ഷയിലാണ് സംസ്ഥാന നേതൃത്വവും. വരുന്ന ലോക്സഭാ തെരെഞ്ഞടുപ്പില് മികച്ച മുന്നേറ്റം ഉണ്ടാകുമെന്ന വിലയിരുത്തലിലാണ് കേരളാ നേതൃത്വം. അതിനായി ആ കരുത്തന്റെ വരവിനായി കാത്തിരിക്കുകയാണെന്ന് സംസ്ഥാന പ്രസിഡന്റ് പിഎസ് ശ്രീധരന് പിള്ളയും പ്രതികരിച്ചു.
മറ്റു പാര്ട്ടികളില് നിന്നും മുന് നിര നേതാക്കള് ബി.ജെ.പിയില് വരുമെന്ന് സംസ്ഥാന പ്രസിഡന്റ് പി.എസ് ശ്രീധരന് പിള്ള. പാര്ട്ടി ചുമതലയുള്ളവനായിരിക്കും അവന്. അവന്റെ വരവിന് വേണ്ടി കാത്തിരിക്കുകയാണെന്നും പി എസ് ശ്രീധരന്പിള്ള വ്യക്തമാക്കി. കൂടുതല് വിവരങ്ങള് മാധ്യമങ്ങളോട് വെളിപ്പെടുത്താനാകില്ലെന്നും ശ്രീധരന് പിള്ള പറഞ്ഞു. സിനിമയില് നിന്നും രാഷ്ട്രീയത്തിലേക്ക് ചേക്കേറിയവരും രാഷ്ട്രീയത്തില് നിന്നും തിരിച്ച് സിനിമയിലേക്കെത്തിയവരുമുണ്ട്. അതില് ചിലര് വാണു, ചിലര് വീണു.
2019 ലെ ലോക്സഭാ തിരഞ്ഞടുപ്പിലും വിവിധ സംസ്ഥാനങ്ങളില് പ്രമുഖ സിനിമാതാരങ്ങളെ കളത്തിലിറക്കാന് ബിജെപി കരുക്കള് നീക്കുന്നു എന്നതിന്റെ ഭാഗമായാണ് കേരളത്തിലെയും പ്രമുഖന്റെ വരവ്. സിനിമക്കു പുറമേ, കലാ, സാസ്കാരിക, കായിക രംഗങ്ങളിലുള്ളവരുടെ പേരുകളും പരിഗണനയിലുണ്ട്.
മറ്റു സംസ്ഥാനങ്ങളില് അക്ഷയ് കുമാര്, സണ്ണി ഡിയോള്, മാധുരി ദീക്ഷിത് തുടങ്ങി 70 തോളം പേര് പാര്ട്ടിയുടെ പരിഗണനയിലുണ്ടെന്ന് പേരു വെളിപ്പെടുത്തനാഗ്രഹിക്കാത്ത ബിജെപി നേതാവ് ഒരു ദേശീയമാധ്യത്തോട് പറഞ്ഞു. കായികരംഗത്തു നിന്നും വീരേന്ദര് സേവാഗിന്റെ പേരും പരിഗണനയിലുണ്ടെന്നാണ് സൂചന. അക്ഷയ് കുമാറിനെ ഡല്ഹിയില് നിന്നും സണ്ണി ഡിയോളിനെ ഗുര്ദാസ്പൂരില് നിന്നും മാധുരി ദീക്ഷിത്തിനെ മുബൈയില് നിന്നും മത്സരിപ്പിക്കാനാണ് ആലോചിക്കുന്നത്.
തിരുവനന്തപുരത്തു നിന്നും മോഹന്ലാല് ബിജെപി സ്ഥാനാര്ത്ഥിയായി മത്സരിച്ചേക്കുമെന്ന റിപ്പോര്ട്ടുകള് മുന്പ് പുറത്തു വന്നിരുന്നു. മോദിയുമായുള്ള കൂടിക്കാഴ്ചക്കു ശേഷം അഭ്യൂഹങ്ങള് ശക്തവുമായിരുന്നു. എന്നാല് വാര്ത്ത നിഷേധിച്ചുകൊണ്ട് മോഹന്ലാല് തന്നെ രംഗത്തു വരികയാണുണ്ടായത്. എന്നാല് പി എസ് ശ്രീധരന് പിള്ളയുടെ കാത്തിരിപ്പ് ആര്ക്കുവേണ്ടിയാണ് എന്ന അകാംശയിലാണ് ബിജെപി അണികള്.
https://www.facebook.com/Malayalivartha
