സൗദിയില് ഇനി ആരെയും ട്രോളാന് പാടില്ല; ട്രോളിയാല് വര്ഷം തടവും ആറു കോടി പിഴയും; ട്രോളുകള് ഷെയര് ചെയ്താലും കടുത്ത ശിക്ഷ
ഇന്നത്തെ കാലത്ത് സോഷ്യല് മീഡിയ ഭരിക്കുന്നത് ട്രോളുകളാണ്. ആരെയും എന്തും പറയാം ട്രോളിലൂടെ. കേരളത്തിലാകട്ടെ എന്തിനും ഏതിനും ട്രോളാണ്. നല്ല ട്രോളുകളും ചീത്ത ട്രോളുകളും സമൂഹ മാധ്യമങ്ങളില് പ്രത്യക്ഷപ്പെടുന്നുണ്ട്. എന്നാല് സൗദിയില് ഇനി ട്രോളിങ് നടക്കില്ല. ട്രോളുകള്ക്ക് വിലക്കേര്പ്പെടുത്തിയിരിക്കുകയാണ് സൗദി ഭരണകൂടം. ട്രോളുകള് പ്രത്യക്ഷപ്പെടുന്ന പല വാട്സാപ്പ് ഗ്രൂപ്പുകളും ഇപ്പോള് അപ്രത്യക്ഷമാവുകയാണ്.
സമൂഹ മാധ്യമങ്ങളുടെ ഉപയോഗത്തില് കര്ശന പെരുമാറ്റച്ചട്ടം നിര്ബന്ധമാക്കുന്ന നിയമങ്ങള് സൗദി ഭരണകൂടം പുറത്തിറക്കിയതിന് പിന്നാലെ സജീവമായിരുന്ന പല വാട്സാപ്പ് ഗ്രൂപ്പുകളും അപ്രത്യക്ഷമാകുന്നു. നാട്ടില് നിന്നു വാട്സാപ്പ് ഗ്രൂപ്പുകളിലേയ്ക്ക് വരുന്ന സൗദി നിയമപ്രകാരം അനുവദിക്കാത്ത ട്രോളുകളും സന്ദേശങ്ങളും സൗദിയില് ഉള്ളവര് ഫോര്വേഡ് ചെയ്യുന്നതും പോസ്റ്റു ചെയ്യുന്നതും സൈബര് നിയമത്തിന്റെ പരിധിയില് വരുമെന്നതിനാലാണ് ഈ നീക്കം.
സമൂഹ മാധ്യമങ്ങള് ശ്രദ്ധയോടെ ഉപയോഗിച്ചില്ലെങ്കില് ലഭിക്കുന്ന ശിക്ഷ അഞ്ചു വര്ഷം വരെ തടവും ആറു കോടിയോളം രൂപ പിഴയുമാണ്. ആക്ഷേപഹാസ്യത്തിന് ഉപയോഗിക്കുന്ന ട്രോളുകള്ക്ക് നിരോധനം ഏര്പ്പെടുത്തിയതിന് പുറമേ പെതു ഉത്തരവുകളെയും മത മൂല്യങ്ങളെ അപമാനിക്കല്, തെറ്റിദ്ധരണ ഉണ്ടാക്കുന്ന ആശയങ്ങള് പ്രചരിപ്പിക്കല്, തെറ്റായ വാര്ത്തകള് പ്രചരിപ്പിക്കല്, നിരോധിത സൈറ്റുകള് സന്ദര്ശിക്കല് എന്നിങ്ങനെ കര്ശന നിയമങ്ങളാണ് സൗദി ഭരണകൂടം സമൂഹമാധ്യമങ്ങളുടെ ഉപയോഗം നിയന്ത്രിക്കാന് നടപ്പാക്കിയത്.
https://www.facebook.com/Malayalivartha