അത് ഒഴിവാക്കാമായിരുന്നു...പാകിസ്താന് സൈനിക തലവനെ കെട്ടിപ്പിടിച്ച സിദ്ദുവിന്റെ നടപടി ഇന്ത്യന് സൈനികരെ സങ്കടത്തിലാക്കി: നിര്മല സീതാരാമന്
പാകിസ്താന്റെ പ്രധാനമന്ത്രിയായി ഇമ്രാന് ഖാന് ചുമതലയേല്ക്കുന്ന ചടങ്ങില് പങ്കെടുത്ത് സൈനിക മേധാവിയെ കെട്ടിപ്പിടിച്ചതിന് സംഘ്പരിവാര് വിമര്ശനം നേരിടുന്ന മുന് ക്രിക്കറ്റ് താരം നവ്ജ്യോത് സിദ്ദുവിനെതിരെ കേന്ദ്ര പ്രതിരോധമന്ത്രി നിര്മല സീതാരാമനും. പാകിസ്താന് സൈനിക മേധാവിയെ കെട്ടിപ്പിടിച്ച സിദ്ദുവിന്റെ നടപടി ഇന്ത്യന് സൈനികരെ സങ്കടത്തിലാക്കിയെന്നാണ് സീതാരാമന് പറഞ്ഞത്.
പഞ്ചാബില് നിന്നുള്ള സിഖ് തീര്ത്ഥാടകര്ക്ക് കാര്ട്ടര്പൂര് ഇടനാഴി തുറന്നു കൊടുക്കുന്നതുമായി ബന്ധപ്പെട്ട് പാകിസ്താന് സര്ക്കാര് പ്രവര്ത്തനങ്ങള് ആരംഭിച്ചുവെന്ന് പറഞ്ഞപ്പോഴാണ് താന് അദ്ദേഹത്തെ ആശ്ലേഷിച്ചതെന്ന് സിദ്ദു കാരണം വ്യക്തമാക്കിയിരുന്നു. ഇന്ത്യന് സൈനികരെ ഇക്കാര്യം വല്ലാതെ ബാധിച്ചു. സിദ്ദുവിന് ആ നടപടി ഒഴിവാക്കാമായിരുന്നുവെന്നും ഇവര് ഒരു ചടങ്ങില് പങ്കെടുത്ത് വ്യക്തമാക്കി. പാകിസ്താന് സൈനിക തലവന് ഖമര് ജാവേദ് ബജ്വയെ ആശ്ലേഷിച്ചതിനാണ് സിദ്ദുവിന് രാജ്യത്തിന്റെ വിവിധ കോണുകളില് നിന്ന് 'രാാജ്യസ്നേഹികളുടെ' വിമര്ശനം വരുന്നത്.
https://www.facebook.com/Malayalivartha
