സംസ്ഥാന സ്കൂള് കലോത്സവം മൂന്ന് ദിവസം മാത്രമാക്കി ചുരുക്കി, 14 ജില്ലകളിലെയും എ ഗ്രേഡില് ഒന്നാം സ്ഥാനം നേടുന്നവരുടെ സൃഷ്ടികള് സംസ്ഥാനതലത്തില് കൂടി പരിഗണിച്ച് മൂല്യനിര്ണയം നടത്തി വിജയികളെ നിശ്ചയിക്കും
സംസ്ഥാന സ്കൂള് കലോത്സവം ഈ വര്ഷം മൂന്ന് ദിവസം മാത്രമാക്കി ചുരുക്കി. ഡിസംബര് 7,8,9 തിയതികളിലായാണ് കലോത്സവം നടക്കുക. രചനാ മത്സരങ്ങള് ജില്ലാതലത്തില് മാത്രമാക്കുകയും ചെയ്തു. പകരം ജില്ലാതലങ്ങളില് ഒരേ വിഷയത്തില് ഒരേ ദിവസം രചനാ മത്സരങ്ങള് നടത്തും. 14 ജില്ലകളിലെയും എ ഗ്രേഡില് ഒന്നാം സ്ഥാനം നേടുന്നവരുടെ സൃഷ്ടികള് സംസ്ഥാനതലത്തില് കൂടി പരിഗണിച്ച് മൂല്യനിര്ണയം നടത്തി വിജയികളെ നിശ്ചയിക്കും.
ഇതോടെ സംസ്ഥാനതലത്തില് ജില്ലാ കലോത്സവങ്ങള് നാലില് നിന്ന് രണ്ട് ദിവസമാക്കി ചുരുക്കാനും തീരുമാനിച്ചു. നവംബര് 12നും 24നും ഇടയിലായി ജില്ലാ കലോത്സവം പൂര്ത്തിയാക്കണം. കലോത്സവ വിജയികള്ക്ക് വ്യക്തിഗത ട്രോഫി, കാഷ് െ്രെപസ് എന്നിവ ഉണ്ടാകില്ല. ഈ വര്ഷം ആലപ്പുഴ ജില്ലയാണ് കലോത്സവത്തിന് വേദിയാകുക. ചെലവ് ചുരുക്കിയും ആര്ഭാടം ഒഴിവാക്കിയുമുള്ള കലോത്സവത്തിനും ശാസ്ത്രോത്സവത്തിനും ഉദ്ഘാടന, സമാപനസമ്മേളനങ്ങള് ഉണ്ടാകില്ല. കലോത്സവത്തിന് പതിവ് സദ്യവട്ടം ഒഴിവാക്കി ഭക്ഷണം കുടുംബശ്രീയാണ് വിളമ്പുക. സര്ട്ടിഫിക്കറ്റും ഗ്രേസ് മാര്ക്കും നല്കും.
സബ്ജില്ലാതല മത്സരങ്ങള് ഒക്ടോബര് 20നും നവംബര് മൂന്നിനും ഇടയിലായി നടത്തും. ഒരു ദിവസം കൊണ്ട് പൂര്ത്തിയാക്കണം. പരമാവധി രണ്ട് ദിവസം എടുക്കാം. സ്കൂള്തല മേളകള് ഒക്ടോബര് ഒന്നിനും 13നും ഇടയില് നടത്തും. എല്.പി, യു.പിതല മത്സരങ്ങള് ഇത്തവണ സ്കൂള്തലത്തില് മാത്രമായിരിക്കും.
സംസ്ഥാന ശാസ്ത്രോത്സവം നവംബര് 24, 25 തിയതികളില് കണ്ണൂരില് നടത്തും. നേരത്തെ മൂന്ന് ദിവസമായിരുന്നത് രണ്ട് ദിവസമാക്കി ചുരുക്കി. എട്ട് മുതല് പ്ലസ്ടു തലം വരെയുള്ളവര്ക്ക് മാത്രമായിരിക്കും ശാസ്ത്രോത്സവം. ജില്ലാതല മത്സരങ്ങള് നവംബര് ആദ്യവാരത്തില് നടത്തും. സബ്ജില്ല മത്സരങ്ങള് ഒക്ടോബറില് നടത്തും. എല്.പി, യു.പി വിദ്യാര്ഥികളെ കലോത്സവത്തില് നിന്നും ശാസ്ത്രോത്സവത്തില് നിന്നും ഒഴിവാക്കിയതില് പ്രതിപക്ഷ അധ്യാപക സംഘടനകളായ കെ.പി.എസ്.ടി.എ, കെ.എസ്.ടി.യു ഭാരവാഹികളായ പി. ഹരിഗോവിന്ദന്, എ.കെ. സൈനുദ്ധീന് എന്നിവര് യോഗത്തില് പ്രതിഷേധിച്ചു. ഭൂരിപക്ഷം കുട്ടികളെ ഒഴിവാക്കി ഗ്രേസ്മാര്ക്കിന് മാത്രമായി മേളകള് നടത്തരുതെന്നും ഇരുവരും ആവശ്യപ്പെട്ടു.
സ്കൂള് കായിക മേള ഒക്ടോബറില്
സ്കൂള് കായിക മേള ഒക്ടോബര് 26 മുതല് 28 വരെ തിരുവനന്തപുരത്ത് നടത്തും. ഒരു ജില്ലയില് നിന്ന് ഒരു ഇനത്തില് രണ്ടില് അധികം പേരെ പങ്കെടുപ്പിക്കില്ല. കഴിഞ്ഞവര്ഷം വരെ ജില്ലയില് നിന്ന് മൂന്ന് വീതം കുട്ടികള് പങ്കെടുത്തിരുന്നു.ഇതുവഴി ആയിരം കുട്ടികളെ സംസ്ഥാന മത്സരത്തില് കുറക്കാന് കഴിയും. കായിക മേളയില് കിഡീസ് വിഭാഗം മത്സരം ഒഴിവാക്കി. ഗെയിംസ് മത്സരങ്ങളില് ഇത്തവണ സംസ്ഥാന മത്സരങ്ങള് ഉണ്ടാകില്ല. ഇവ സോണല് മത്സരങ്ങളില് അവസാനിക്കും. കായിക മേള വിജയികള്ക്കും ട്രോഫി, മെഡല്, കാഷ് െ്രെപസ് എന്നിവ ഉണ്ടാകില്ല. സര്ട്ടിഫിക്കറ്റും ഗ്രേസ് മാര്ക്കും ലഭിക്കും.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
