കന്യാസ്ത്രിയെ ബലാത്സംഗം ചെയ്‌തെന്ന പരാതിയില്‍ ജലന്ധര്‍ ബിഷപ്പ് ഫ്രാങ്കോ മുളയ്ക്കലിന് ഇന്ന് നിര്‍ണായക ദിനം. ബിഷപ്പിനും കന്യാസ്ത്രീക്കും വേണ്ടി കേരളം മൊത്തം പ്രാര്‍ത്ഥനയിലാണ്. ബിഷപ്പിന്റെ അറസ്റ്റിനെ ചുറ്റിപ്പറ്റിയായിരിക്കും കന്യാസ്ത്രീമരുടെ സമരത്തിന്റെ ഗതി. 

തൃപ്പൂണിത്തുറ പോലീസ് സ്‌റ്റേഷനില്‍ ഹജരാകുന്നതിനാണ് പോലീസ് നിര്‍ദ്ദേശം നല്‍കിയിരിക്കെ കേരളം ആകാക്ഷയിലാണ്. ഇവിടെയുള്ള ഹൈടെക്ക് കേന്ദ്രത്തിലാകും ചോദ്യം ചെയ്യല്‍ നടക്കുക.

ഇന്നലെ രാത്രിയാണ് ചോദ്യം ചെയ്യല്‍ കേന്ദ്രത്തെക്കുറിച്ച് തീരുമാനമെടുത്തത്. ഇന്നലെ കൊച്ചിയില്‍ എത്തി ഐജി വിജയ് സാക്കറെയുമായി കൂടിക്കാഴ്ച നടത്തിയ ശേഷം കോട്ടയം ജില്ലാ പോലീസ് മേധാവി ഹരിശങ്കര്‍ സ്‌റ്റേഷനില്‍ തന്നെ തങ്ങുകയാണ്.

ഞായറാഴ്ച്ച സ്വകാര്യ സുരക്ഷാ ഭടന്മാര്‍ക്കൊപ്പം ജലന്ധറില്‍ നിന്നും പുറപ്പെട്ടുവെന്നാണ് സൂചനകള്‍ എന്നാല്‍, ഇപ്പോള്‍ ബിഷപ്പ് എവിടെയാണെന്ന കാര്യം വ്യക്തമല്ല. അതേസമയം ബിഷപ്പ് തിങ്കളാഴ്ച കൊച്ചിയിലെത്തിയതായും മുതിര്‍ന്ന അഭിഭാഷകരുമായി ആശയവിനിമയം നടത്തിയതായും റിപ്പോര്‍ട്ടുകളുണ്ട്. 

എറണാകുളം പോലീസ് ക്ലബ്, അവിടെയുള്ള ചോദ്യം ചെയ്യല്‍ കേന്ദ്രം, വൈക്കം പോലീസ് സ്‌റ്റേഷന്‍, ഏറ്റുമാനൂര്‍ സ്‌റ്റേഷനിലെ ആധുനിക ചോദ്യചെയ്യല്‍ കേന്ദ്രം, കോട്ടയം പോലീസ് ക്ലബ്, എ.ആര്‍. ക്യാമ്പ് എന്നിവിടങ്ങളില്‍ ചോദ്യംചെയ്യലിനുള്ള സൗകര്യവും സുരക്ഷയും പോലീസ് ഒരുക്കിയിട്ടുണ്ട്. തൃപ്പൂണിത്തുറയില്‍ എന്തെങ്കിലും തടസ്സം ഉണ്ടായാല്‍ ഇവിടെ എവിടേക്കെങ്കിലും മാറ്റുന്നതിനാണ് പദ്ധതി. 

പരാതിക്കാരിയായ കന്യാസ്ത്രീ താമസിക്കുന്ന കുറവിലങ്ങാട് മഠത്തിന്റെ സുരക്ഷയും ശക്തമാക്കി. സുരക്ഷയ്ക്കായി, മഫ്തിയിലടക്കം 1000 പോലീസുകാരുടെ സേവനമാണ് ജില്ലയില്‍ ഒരുക്കിയിരിക്കുന്നത്. ഇന്നലെ രാത്രിയോടെ കോട്ടയം ജില്ലയില്‍ എത്തിയ ബിഷപ്് കറുകച്ചാലിലെ ബന്ധുവീട്ടില്‍ തങ്ങിയെന്നാണു വിവരം.