ടെക്നിക് വീഡിയോയിലെ യുവാവ് ലഹരിക്ക് അടിമയോ: വെളിപ്പെടുത്തലുമായി അയല്വാസി
സമൂഹമാധ്യമങ്ങളില് വ്യാപകമായി പ്രചരിക്കുന്ന ടെക്നിക് വിഡിയോയിലെ ചെറുപ്പക്കാരന് ലഹരിക്കടിമയല്ലെന്നു വെളിപ്പെടുത്തി ഇയാളുടെ അയല്വാസി റോബര്ട്ട് കുര്യാക്കോസ്. ഫേസ്ബുക് പോസ്റ്റിലൂടെയാണ് ജിബിന് എന്ന തന്റെ അയല്ക്കാരനെ കുറച്ചു റോബര്ട്ട് പറയുന്നത്. പാമ്പിനെ പിടിക്കാന് ചെറിയൊരു ടെക്നിക്കുമായാണ് ജിബിന് സമൂഹമാധ്യമങ്ങളിലൂടെ ആദ്യം വന്നത്. സംസാരിക്കുമ്പോള് ഇയാളുടെ നാക്ക് കുഴയുകയും പ്രത്യേക തരം ചേഷ്ടകള് കാണിക്കുകയും ചെയ്യുന്നുണ്ട്. ഇതാണ് ലഹരി ഉപയോഗിച്ചു ബോധമില്ലാതെ സംസാരിക്കുന്നു എന്ന നിലയില് ചിലര് പ്രചാരിപ്പിക്കാന് കാരണം.
ഫേസ്ബുക് പോസ്റ്റ് ഇങ്ങനെ
കഴിഞ്ഞ ദിവസങ്ങളില് ഭൂരിഭാഗം വാട്സാപ് ഗ്രൂപിലുകളിലും ഫേസബുക് പേജുകളിലും നിറഞ്ഞു നില്ക്കുന്നതാണ് ഈ യുവാവിന്റെ വീഡിയോ. ഷെയര് ചെയ്യുന്നവര് ഇദ്ദേഹത്തെ വിശേഷിപ്പിച്ചിരിക്കുന്നത് ആകട്ടെ ലഹരിക്കടിമപ്പെട്ട ആള് എന്ന നിലയിലും. ഏറെക്കുറെ രണ്ടു വയസ്സ് മുതല് ഞാന് നേരിട്ട് അറിയുന്ന ആള് ആണ് വീഡിയോയില് ഉള്ള ജിബിന് എന്ന യുവാവ്.. അയാളുടെ കുടുംബവുമായും എനിക്ക് വളരെ അടുത്ത ബന്ധമുണ്ട്. ഓരോരുത്തരുടെയെയും ഭാഷക്കും സംസാരത്തിനും ഓരോ ശൈലിയുണ്ട്, സ്വഭാവത്തിനും.. ഈ പാവം വിചാരിക്കുന്നത് അവന് അറിയുന്ന കാര്യങ്ങള് മറ്റുള്ളവര്ക്ക് പറഞ്ഞു കൊടുക്കുന്നത് വലിയ കാര്യം ആണെന്നാണ്. അയാളുടെ ധാരണയുടെ ശരി തെറ്റുകള് നോക്കാതെ അയാള് സുഹൃത്തുക്കളുടെ വാട്സാപ്പ് ഗ്രൂപ്പിലും സ്വന്തം എഫ് ബി യിലും പോസ്റ്റ് ചെയ്ത വീഡിയോകളാണ് ലഹരി യുടെ അടിമ എന്ന പേരില് പലരും കണ്ണില് ചോരയില്ലാത്ത പ്രചരിപ്പിക്കുന്നത്. വര്ഷങ്ങളായി അറിയാവുന്ന പേരില് ഒരു കാര്യം ഞാന് തീര്ത്തു പറയുന്നു, ഒരു ബീഡി പോലും വലിക്കുന്ന പയ്യന് അല്ല അവന്..പലപ്പോഴും റാങ്കുകള്ക്ക് തുല്യമായ വിജയം കരസ്ഥമാക്കയിയ സഹോദരിയെ പോലെ അല്ലായിരുന്നു അവന്.. അവനു ചെറുപ്പത്തിലേ തൊഴില് പരിശീലനം വേണമെന്ന രീതിയില് ആവശ്യപ്പെട്ടപ്പോള് അവന്റെ മാതാ പിതാക്കള് അവനു ഡ്രൈവിംഗ് പരിശീലനം നേടി കൊടുത്തു. ഇന്നവന് ഒരു മികച്ച ഡ്രൈവര് ആണ്. അടുത്തറിയുന്നവര് നല്ലത് മാത്രം പറയുന്ന ഒരു മികച്ച ഡ്രൈവര്. അവന്റെ സംസാരത്തിലോ ശൈലിയിലോ കുറവുകള് കണ്ടാല് ഉടനെ കേറി അങ്ങ് വിധിക്കരുത്. നാളെ നമ്മളെയും ഇങ്ങനെ വിചാരണ ചെയ്തേക്കാം. ശരിക്കും ഈ വിചാരണ അല്ലേ മോറല് പോലീസിംഗ്.
https://www.facebook.com/Malayalivartha
