പുനലൂരിലും അഞ്ചലിലും സി പി ഐ ഹർത്താലിന് ആഹ്വാനം ചെയ്തു.ഇന്നലെ അഞ്ചലിൽ നടന്ന സംഘർഷത്തിൽ സി പി ഐ അഞ്ചൽ മണ്ഡലം പ്രസിഡൻറ് ലിജു ജമാലിനെ അറസ്റ്റു ചെയ്തതിൽ പ്രതിഷേധിച്ചാണ് ഹർത്താൽ.

സി പി ഐ പ്രവർത്തകർ മണിക്കൂറുകളായി പുനലൂർ പൊലീസ് സ്റ്റേഷൻ ഉപരോധിക്കുന്നു. ഇന്ന് പുലർച്ചെ രണ്ട് മണി മുതലാണ് ഉപരോധം ആരംഭിച്ചത്.പ്രവർത്തകർ സ്റ്റേഷൻ കവാടം പൂർണമായും അടച്ച് കുത്തിയിരുന്നാണ് പ്രതിഷേധിക്കുന്നത്.

ഇന്നലെ അഞ്ചലിൽ നടന്ന എഐവൈഎഫ്,ബിജെപി സംഘർഷത്തെ തുടർന്ന് പുനലൂർ സിഐക്ക് പരിക്കേറ്റിരുന്നു. ഇതിനെ തുടർന്ന് അഞ്ചൽ പോലീസ് സി പി ഐ അഞ്ചൽ മണ്ഡലം പ്രസിഡന്റ് ലിജു ജമാലിനെ ഇന്നു പുലർച്ചെ അറസ്റ്റ് ചെയ്തിരുന്നു.ഇവരെ പുനലൂർ പോലീസ് സ്റ്റേഷനിൽ എത്തിച്ചതിനെ തുടർന്നാണ് നിരവധി സി പി ഐ, എ ഐ വൈ എഫ് പ്രവർത്തകർ പോലീസ് സ്റ്റേഷനിൽ എത്തിയത്. സ്റ്റേഷനിൽ എത്തിയ പ്രവർത്തകരും പോലീസും തമ്മിൽ രൂക്ഷമായ വാക്കേറ്റമാണ് ഉണ്ടായത്.ഇതിനെ തുടർന്നാണ് പ്രവർത്തകർ പോലീസ് സ്റ്റേഷൻ കവാടം ഉപരോധിക്കുന്നത്.

പുനലൂർ, അഞ്ചൽ, കുളത്തുപ്പുഴ, പത്തനാപുരം, ആര്യങ്കാവ് എന്നിവിടങ്ങളിൽ നിന്ന് നിരവധി പ്രവർത്തകരാണ് പുനലൂർ പോലിസ് സ്റ്റേഷനിലേക്ക് എത്തി കൊണ്ട് ഇരിക്കുനത്.സിപിഐ പുനലൂർ മണ്ഡലം പ്രസിഡൻറ് അജയ പ്രസാദിന്റെ നേതൃത്വത്തിലുള്ള പ്രവർത്തകരാ പോലിസ് സ്റ്റേഷൻ കവാടത്തിൽ കുത്തിയിരുന്ന് ഇപ്പോൾ പ്രതിക്ഷേധിക്കുന്നത്.

സിപിഐ സംസ്ഥാന എക്സിക്യൂട്ടീവ് അംഗവും മുൻ എം എൽ എ യും ആയ പി എസ് സുപാലിന്റെ നേതൃത്വത്തിൽ കൂടുതൽ പ്രവർത്തകർ എത്തി പുനലൂർ പോലീസ് സ്റ്റേഷൻ ഉപരോധം ശക്തമാക്കി സിപിഐ നേതാവിനെ അറസ്റ്റ് ചെയ്ത് ചുമത്തിയ 307 വകുപ്പ് ഒഴിവാക്കണമെന്നാവശ്യപ്പെട്ടാണ് ഉപരോധസമരം.