അഴിമതി തുടച്ചുമാറ്റും എന്ന ബിജെപിയുടെ ഉറച്ച തീരുമാനം നടപ്പിലാക്കി മാതൃകാഭരണം നടത്തിയ നരേന്ദ്ര മോദിജി ലോകത്തിനുതന്നെ മാതൃകയായി ; തെരഞ്ഞെടുപ്പ് വാഗ്ദാനങ്ങളില് കാര്യമില്ലെന്ന ബിജെപി സംസ്ഥാന അധ്യക്ഷന് ശ്രീധരന് പിള്ളയുടെ പ്രസ്താവനക്ക് മറുപടി
തെരഞ്ഞെടുപ്പ് വാഗ്ദാനങ്ങളില് കാര്യമില്ലെന്ന ബിജെപി സംസ്ഥാന അധ്യക്ഷന് ശ്രീധരന് പിള്ളയുടെ പ്രസ്താവനക്ക് പാര്ട്ടിയില് നിന്നു തന്നെ ഒളിയമ്പ്. മുരളീധര പക്ഷത്തെ പ്രമുഖ നേതാവും മുന് സംസ്ഥാന വക്താവുമായ പി. രഘുനാഥ് ആണ് രംഗത്ത് എത്തിയിരിക്കുന്നത്. മോദി സര്ക്കാര് വാഗ്ദാനങ്ങളെല്ലാം നിറവേറ്റി തന്നെയാണ് മുന്നോട്ട് പോകുന്നതെന്ന് രഘുനാഥ് പറഞ്ഞു.
പെട്രോള് വില കുറയ്ക്കുമെന്ന ബി.ജെ.പിയുടെ പ്രഖ്യാപനത്തെ കുറിച്ചുള്ള ചോദ്യത്തിന്, തെരഞ്ഞെടുപ്പ് വാഗ്ദാനങ്ങള് ആരെങ്കിലും കാര്യമായി എടുക്കുമോ എന്നായിരുന്നു ശ്രീധരന്പിള്ളയുടെ പ്രതികരണം. . ഇതിനെതിരെയാണ് ഇപ്പോള് പി. രഘുനാഥ് രംഗത്തെത്തിയിരിക്കുന്നത്. ഫേസ്ബുക്ക് കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം.
രഘുനാഥിന്റെ ഫേസ്ബുക്ക് പോസ്റ്റ് ഇങ്ങനെ ;
എല്ലാവര്ക്കും തൊഴില്, എല്ലാവര്ക്കും പാര്പ്പിടം എന്ന ലക്ഷ്യത്തിലേക്കു ഭാരതത്തെ നയിച്ചുകൊണ്ടിരിക്കുന്ന ലോകാരാധ്യനായ ഇന്ത്യന് പ്രധാനമന്ത്രി ബഹുമാന്യനായ നരേന്ദ്ര മോദിജിക്ക് അഭിവാദ്യങ്ങള്. ബിജെപി 2014ല് ജനങ്ങള്ക്കു മുന്നില്വച്ച ജനക്ഷേമ പദ്ധതികളും മുദ്ര ബാങ്ക്, ഉജ്വല് യോജന, പ്രധാനമന്ത്രി ആവാസ് യോജന, കര്ഷകരെ സഹായിക്കാനുള്ള പദ്ധതികള്, ആഭ്യന്തര സുരക്ഷ, അടിസ്ഥാന വികസനത്തിനായുള്ള പദ്ധതികള് തുടങ്ങി ആയിരക്കണക്കിനു പദ്ധതികള് രാജ്യത്തു നടപ്പിലാക്കിയിരിക്കുന്നു. പാവപ്പെട്ടവന്റെയും സാധാരണക്കാരന്റെയും ജീവിതം സുരക്ഷിതമാക്കാന് നാലര വര്ഷത്തെ മോദിജിയുടെ ഭരണത്തില് വന് നടപടികള് ഉണ്ടായി. അഴിമതി തുടച്ചുമാറ്റും എന്ന ബിജെപിയുടെ ഉറച്ച തീരുമാനം നടപ്പിലാക്കി മാതൃകാഭരണം നടത്തിയ നരേന്ദ്ര മോദിജി ലോകത്തിനുതന്നെ മാതൃകയായി. വാഗ്ദാനങ്ങള് എല്ലാം നടപ്പിലാക്കി തന്നെയാണു നരേന്ദ്ര മോദിജി മുന്നേറുന്നത്. ബിഗ് സല്യൂട്ട്.
https://www.facebook.com/Malayalivartha
