ഇ-ഹെല്ത്ത് പ്രവര്ത്തനസജ്ജം: കേന്ദ്ര സംഘത്തിന് സംതൃപ്തി; ഇനി ആശുപത്രികളില് അലയേണ്ട, കാത്തുനില്ക്കേണ്ട, ക്യൂവില്ല
സംസ്ഥാനത്തെ ആരോഗ്യ മേഖലയില് സമഗ്ര കമ്പൂട്ടര്വത്ക്കരണം ലക്ഷ്യമിട്ടുള്ള ഇ-ഹെല്ത്ത് പൈലറ്റ് ഘട്ടം പൂര്ത്തിയാക്കിയ സാഹചര്യത്തില് കേന്ദ്രസംഘം വിലയിരുത്തി ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചറുമായി ചര്ച്ച നടത്തി. തിരുവനന്തപുരം മെഡിക്കല് കോളേജ്, വേളി പ്രാഥമികാരോഗ്യ കേന്ദ്രം എന്നിവിടങ്ങളിലാണ് സംഘം സന്ദര്ശിച്ച് ഇ-ഹെല്ത്തിന്റെ പ്രവര്ത്തന പുരോഗതി വിലയിരുത്തിയത്. കേന്ദ്ര ഇലട്രോണിക് ഇന്ഫര്മേഷന് ടെക്നോളജി മന്ത്രാലയത്തിലെ ജോ. സെക്രട്ടറി സഞ്ജയ് ഗോയല്, ഇ-ഹെല്ത്ത് ഡയറക്ടര് ത്രിലോക് ചന്ദ്ര എന്നിവരാണ് കേന്ദ്ര സംഘത്തിലുണ്ടായിരുന്നത്.
ഇവരോടൊപ്പം എന്.എച്ച്.എം. സ്റ്റേറ്റ് മിഷന് ഡയറക്ടര് കേശവേന്ദ്ര കുമാര്, ഐ.ടി. മിഷന് ഡയറക്ടര് സാംബശിവറാവു, ആരോഗ്യ വിദ്യാഭ്യാസ വകുപ്പ് ഡയറക്ടര് ഡോ. എ. റംലാബീവി, ആരോഗ്യ വകുപ്പ് ഡയറക്ടര് ഡോ. ആര്.എല്. സരിത, മെഡിക്കല് കോളേജ് പ്രിന്സിപ്പല് ഡോ. തോമസ് മാത്യു, ആശുപത്രി സൂപ്രണ്ട് ഡോ. എം.എസ്. ഷര്മ്മദ്, ഇ-ഹെല്ത്ത് ജോ. ഡയറക്ടര് ഡോ. ജയന് എന്നിവരുമുണ്ടായിരുന്നു. മികച്ച രീതിയില് കേരളത്തില് ഇ-ഹെല്ത്ത് നടപ്പിലാക്കിയതില് കേന്ദ്ര സംഘം സംതൃപ്തി രേഖപ്പെടുത്തി.
എല്ലാ ജില്ലകളിലും അടിസ്ഥാന വിവര ശേഖരണം പൂര്ത്തിയായി വരുന്നതായി മന്ത്രി കെ.കെ. ശൈലജ ടീച്ചര് പറഞ്ഞു. ഒന്നേകാല് കോടി ജനങ്ങളുടെ വിവരശേഖരണമാണ് പൂര്ത്തിയാക്കിയത്. ഗ്രാമീണ മേഖലയ്ക്കാണ് ഇ-ഹെല്ത്തിന്റെ ഒന്നാം ഘട്ടത്തില് പ്രാധാന്യം നല്കുന്നത്. രണ്ടാം ഘട്ടത്തില് നഗരത്തിലെ ആശുപത്രികള്ക്ക് പ്രാധാന്യം നല്കും. സര്ക്കാരാശുപത്രികളില് അടിസ്ഥാന സൗകര്യം വികസിപ്പിച്ച് രോഗീ സൗഹൃദമാക്കുന്നതിനായുള്ള ആര്ദ്രം പദ്ധതി നടപ്പിലാക്കി വരികയാണ്. ഇതോടൊപ്പം ഇ-ഹെല്ത്തിന്റെ സേവനങ്ങള് കൂടി ലഭ്യമാകുമ്പോള് ആശുപത്രികള് മികച്ച സൗകര്യം ലഭ്യമാകുമെന്നും മന്ത്രി പറഞ്ഞു.
തെരഞ്ഞെടുക്കപ്പെട്ട 11 കേന്ദ്രങ്ങളില് പൈലറ്റടിസ്ഥാനത്തില് കുടുംബാരോഗ്യ കേന്ദ്രം, താലൂക്കാശുപത്രി, ജില്ലാ ആശുപത്രി, മെഡിക്കല് കോളേജ് എന്നിവിടങ്ങളിലാണ് ഇ-ഹെല്ത്ത് നടപ്പിലാക്കിയിട്ടുള്ളത്. ഒ.പി. ക്ലിനിക്, ക്യൂ മാനേജ്മെന്റ്, ഫാര്മസി, ലാബ് എന്നിവിടങ്ങളിലാണ് ഇ-ഹെല്ത്ത് സൗകര്യം ലഭിക്കുക.
ഓരോ പൗരന്േറയും ചികിത്സാ രേഖകള് ഒരു കേന്ദ്രീകൃത ഡേറ്റാബേസില് ലഭ്യമാക്കുക വഴി എല്ലാ സര്ക്കാര് മോഡേണ് മെഡിസിന് ആരോഗ്യ ചികിത്സാ സ്ഥാപനങ്ങളിലും തടസമില്ലാതെ തുടര്ചികിത്സ ഉറപ്പാക്കാന് സാധിക്കും. കമ്പ്യൂട്ടര് അധിഷ്ഠിതമായ മാനേജ്മെന്റ് സംവിധാനം നിലവില് വരുന്നതോടെ ഔട്ട് പേഷ്യന്റ് വിഭാഗം, ലാബറട്ടറി, ഫാര്മസി, എക്സറേ എന്നിവിടങ്ങളില് ഉണ്ടായിരുന്ന തിരക്കും കാലതാമസവും ഗണ്യമായി കുറഞ്ഞ് തുടങ്ങിയിട്ടുണ്ട്.
ഇ ഹെല്ത്ത് പൈലറ്റ് ഘട്ടത്തിലെ ആദ്യ സ്ഥാപനമായ വേളി പ്രാഥമികാരോഗ്യ കേന്ദ്രത്തില് സമ്പൂര്ണമായും പേപ്പര് രഹിത ഒ.പി. മാനേജ്മെന്റ് നിലവില് വന്നതില് കേന്ദ്രസംഘം പ്രത്യേകം അഭിനന്ദിച്ചു. പൈലറ്റ് ഘട്ടത്തിലെ അവസാന സ്ഥാപനമായ തിരുവന്തപുരം മെഡിക്കല് കോളേജില് പേപ്പര് രഹിത ഒ.പി.കളിലേക്കുള്ള പരിവര്ത്തനത്തിന്റെ വിവിധ ഘട്ടങ്ങള് മനസിലാക്കിയ കേന്ദ്ര സംഘം സംതൃപ്തി രേഖപ്പെടുത്തി.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
