സ്ത്രീകള് തെരുവിലിറങ്ങി സമരം ചെയ്യുന്നത് എന്തിനാണെന്ന് മനസിലാകുന്നില്ല;ശബരിമല വിധിയില് പ്രതിഷേധിച്ച് തെരുവിലിറങ്ങിയ സത്രീകളെ വിമര്ശിച്ച് ദേശീയ വനിതാ കമ്മിഷന് അധ്യക്ഷ രേഖ ശര്മ
ശബരിമല വിധിയില് പ്രതിഷേധിച്ച് തെരുവിലിറങ്ങിയ സത്രീകളെ വിമര്ശിച്ച് ദേശീയ വനിതാ കമ്മിഷന് അധ്യക്ഷ രേഖ ശര്മ രംഗത്ത്. സ്ത്രീകള് തെരുവിലിറങ്ങി സമരം ചെയ്യുന്നത് എന്തിനാണെന്ന് മനസിലാകുന്നില്ലെന്നും സ്ത്രീ സ്വാതന്ത്യത്തിന് വിലങ്ങുതടിയാകുന്ന ഒരു നിയമവും നിലനില്ക്കില്ലെന്നു രേഖാ ശര്മ പറഞ്ഞു. ശബരിമലയില് പോകുന്ന സ്ത്രീകള്ക്ക് സംരക്ഷണം ഒരുക്കാന് സര്ക്കാര് തയ്യാറാകണമെന്ന് സംസ്ഥാന വനിതാ കമ്മീഷന് അധ്യക്ഷ എം.സി ജോസഫൈന് ആവശ്യപ്പെട്ടിരുന്നു.
ശബരിമലയില് പോകുന്ന സ്ത്രീകള്ക്ക് സംരക്ഷണം ഒരുക്കാന് സര്ക്കാര് തയ്യാറാകണമെന്ന് സംസ്ഥാന വനിതാ കമ്മീഷന് അധ്യക്ഷ എം.സി ജോസഫൈന് ആവശ്യപ്പെട്ടിരുന്നു. ക്ഷേത്രത്തില് പോകുന്നവര്ക്ക് പോകാം. പള്ളിയില് പോകുന്നവര്ക്ക് പോകാം. ശബരിമലയില് പോകേണ്ടവര്ക്ക് പോകാം, പോകാതിരിക്കാം. അങ്ങനെ പോകുന്ന സന്ദര്ഭത്തില് സ്ത്രീകള്ക്ക് പരിരക്ഷ നല്കാന് സര്ക്കാര് തയ്യാറാകണമെന്ന് എം.സി ജോസഫൈന് തൃശ്ശൂരില് ആവശ്യപ്പെട്ടിരുന്നു. ഇതിനു പിന്നാലെയാണ് ദേശീയ വനിതാ കമ്മീഷന് അധ്യക്ഷയുടെ പ്രതികരണ വന്നത്.
ശബരിമല വിധി മറികടക്കാന് നിയമ നിര്മാണം ആവശ്യമില്ലെന്ന് ദേശീയ വനിതാ കമ്മീഷന് അധ്യക്ഷ. ശബരിമലയില് എല്ലാ പ്രായത്തിലുമുള്ള സ്ത്രീകള്ക്ക് പ്രവേശനം അനുവദിച്ച സുപ്രീംകോടതി വിധി മറികടക്കാന് നിയമനിര്മാണം വേണമെന്ന ആവശ്യത്തെയാണ് ദേശീയ വനിതാ കമ്മീഷന് അധ്യക്ഷ തള്ളിയത്. സ്ത്രീകളുടെ സ്വാതന്ത്ര്യം ഹനിക്കുന്ന ഒരു നിയമവും നിലനില്ക്കില്ലെന്നും രേഖ ശര്മ.
വിധിക്കെതിരെ സ്ത്രീകള് നടത്തുന്ന സമരത്തെയും അവര് വിമര്ശിച്ചു. സ്ത്രീകള് തെരുവിലിറങ്ങി സമരം ചെയ്യുന്നത് എന്തിനാണെന്ന് മനസിലാകുന്നില്ല. ആഗ്രഹമുള്ളവര് മാത്രം ശബരിമലയിലേക്ക് പോയാല് മതി. പോകാനായി ആരെയും നിര്ബന്ധിക്കുന്നില്ല. എന്നാല് ശബരിമലയില് പോകാന് ആഗ്രഹിക്കുന്നവര്ക്കെതിരെ പ്രതിഷേധിക്കുന്നത് എന്തിനാണ്. അത് അവരുടെ അവകാശമാണ്. ശബരിമലയില് സ്ത്രീകളെ പ്രവേശിപ്പിക്കരുതെന്ന് ആവശ്യപ്പെടുന്നവരുടെ അവകാശവും പ്രവേശിക്കണമെന്ന് ആഗ്രഹിക്കുന്നവരുടെ അവകാശവും തുല്യമാണെന്നും രേഖാ ശര്മ ചൂണ്ടിക്കാട്ടി. ഒരു സ്വകാര്യ ചാനലിന് നല്കിയ അഭിമുഖത്തിലാണ് രേഖ ശര്മ ഇക്കാര്യങ്ങള് വ്യക്തമാക്കിയത്.
https://www.facebook.com/Malayalivartha
