സാലറിചലഞ്ചില് പങ്കെടുക്കാന് ജീവനക്കാര്ക്ക് സാമ്പത്തിക പ്രതിസന്ധിയുണ്ടെങ്കില് പിഎഫില് നിന്നും വായ്പ എടുക്കാമെന്ന് ധനവകുപ്പിന്റെ പുതിയ ഉത്തരവ്
സാലറിചലഞ്ചില് പങ്കെടുക്കാന് ജീവനക്കാര്ക്ക് സാമ്പത്തിക പ്രതിസന്ധിയുണ്ടെങ്കില് പിഎഫില് നിന്നും വായ്പ എടുക്കാമെന്ന് ധനവകുപ്പിന്റെ പുതിയ ഉത്തരവ് പുറത്തിറക്കി. സാലറി ചലഞ്ചില് 40 ശതമാനം ജീവനക്കാരും പങ്കെടുക്കാതെ മാറിനിന്നതിനെ തുടര്ന്നാണ് ഈ പുതിയ നീക്കം. നിലവില് പിഎഫില് നിന്ന് വ്യക്തിപരമായ ആവശ്യങ്ങള്ക്കാണ് വായ്പയെടുക്കാവുന്നത്. ഈ പരിമിതി മറികടക്കാനാണ് ജി.പി.എഫ് നിയമത്തിലെ വ്യവസ്ഥകളില് മാറ്റം വരുത്തി ഉത്തരവിറക്കിയത്.
നേരത്തേ ഇറക്കിയ ഉത്തരവില് സാലറി ചലഞ്ചിന്റെ ഗഡുക്കള് കൊടുത്തുതീരുന്ന 10 മാസം വരെ പി.എഫ് വായ്പകള് തിരിച്ചടയ്ക്കുന്നതില് നിന്ന് ഇളവ് അനുവദിച്ചിരുന്നു. എന്നാല് പുതിയ ഉത്തരവ് മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്കുന്നുവെന്ന കാരണം പറഞ്ഞ് വായ്പയെടുക്കാനുള്ള വകുപ്പുകൂടി ഉള്പ്പെടുത്തുന്നതാണ്. ഇതനുസരിച്ച് ജീവനക്കാര്ക്ക് തിരിച്ചടയ്ക്കേണ്ടതില്ലാത്ത താത്കാലിക വായ്പ എടുക്കാം.
സാലറി ചലഞ്ചുമായി ബന്ധപ്പെട്ട് സെപ്തംബര് 11ന് സര്ക്കാര് പുറത്തിറക്കിയ ഉത്തരവിന്റെ ഉള്പിരിവായാണ് പുതിയ ഉത്തരവ്. സാലറി ചലഞ്ചില് പങ്കെടുക്കാന് താത്പര്യമില്ലാത്തവര് വിസമ്മതപത്രം കൊടുക്കണമെന്ന മുന് ഉത്തരവിലെ വ്യവസ്ഥ ഹൈക്കോടതി സ്റ്റേ ചെയ്ത സാഹചര്യത്തില് പുതിയ നടപടികളെക്കുറിച്ചും ആലോചന തുടങ്ങി.
" f
https://www.facebook.com/Malayalivartha
