ശബരിമല പ്രവേശനത്തില് സ്ത്രീകള്ക്ക് അനുകൂല നിലപാടുമായി ശ്രീ ശ്രീ രവിശങ്കര്
ഇന്ത്യയിലെ അറിയപ്പെടുന്ന ആത്മീയാചാര്യന് ശ്രീ ശ്രീ രവിശങ്കര് ശബരിമലയില് പ്രായഭേദമെന്യേ സ്ത്രീകള്ക്ക് പ്രവേശനം നല്കുന്നത് സ്വാഗതാര്ഹമാണെന്ന് അഭിപ്രായപ്പെട്ടു. കട്ടക്കില് മാധ്യമങ്ങളോട് സംസാരിക്കവേയാണ് ശബരിമല പ്രവേശനത്തില് സ്ത്രീകള്ക്ക് അനുകൂലമായ തന്റെ നിലപാട് അദ്ദേഹം വെളിപ്പെടുത്തിയത്.
ശബരിമലയിലെ സുപ്രീംകോടതി വിധിയെ സ്വാഗതം ചെയ്ത് സ്ത്രീകള് മല ചവിട്ടട്ടെ എന്നാണ് ശ്രീ ശ്രീ രവിശങ്കര് മാധ്യമങ്ങളോട് പറഞ്ഞത്. എന്തായാലും ഇന്ത്യയിലെ അറിയപ്പെടുന്ന ആത്മീയാചാര്യന്റെ പ്രസ്താവന വന് വിവാദത്തിലേക്കു നീങ്ങിയേക്കുമെന്നാണ് സൂചന. ശബരിമലയില് പ്രായഭേദമെന്യേ സ്ത്രീകള്ക്ക് പ്രവേശനം നല്കുന്നത് സ്വാഗതാര്ഹമാണെന്ന് അദ്ദേഹം പറഞ്ഞു.
എല്ലാ ആചാരങ്ങള്ക്ക് പിന്നിലും ശാസ്ത്രീയ കാരണമുണ്ട്. കാലത്തിനനുസരിച്ച് മാറ്റങ്ങള് ഉണ്ടാവണം. മുമ്പ് ശബരിമലയിലേക്കുള്ള യാത്ര ദുര്ഘടമായിരുന്നു. ദിവസങ്ങളും ആഴ്ചകളും നടന്നാല് മാത്രമായിരുന്നു ശബരിമലയില് എത്താന് സാധിക്കുക. ഇന്ന് സ്ഥിതി മാറിയെന്നും സാഹചര്യങ്ങള് മാറുമ്പോള് ഇത്തരം കാരണങ്ങള് ഇല്ലാതാകുമെന്നും അദ്ദേഹം പറഞ്ഞു. അതിനാല് സുപ്രീംകോടതി വിധി യുക്തിസഹമാണെന്നും കട്ടക്കില് മാധ്യമങ്ങളോട് രവിശങ്കര് പറഞ്ഞു.
'പണ്ട് സന്നിധാനത്ത് എത്തിച്ചേരാന് ദിവസങ്ങളും ആഴ്ചകളുമെടുക്കുമായിരുന്നു. ശബരിമലയിലേക്കുള്ള യാത്ര അത്രത്തോളം ദുര്ഘടമായിരുന്നു. ഒരുപാട് തിരക്കിനിടയിലുടെ നഗ്നപാദരായാണ് ഭക്തര് മല ചവിട്ടിയിരുന്നത്. ആ സാഹചര്യത്തില് ആര്ത്തവ ദിനങ്ങളില് സ്ത്രീകള്ക്ക് ശബരിമല യാത്ര അസാധ്യമായിരുന്നു. അതുകൊണ്ടാണ് സ്ത്രീകളെ ക്ഷേത്രത്തില് നിന്ന് അകറ്റിനിര്ത്തിയത്. എന്നാല് ഇന്ന് കാലം മാറി. സാഹചര്യങ്ങളും മെച്ചപ്പെട്ടു. ഇന്ന് ശബരിമലയിലേക്കുള്ള യാത്ര അനായാസമായിക്കഴിഞ്ഞു. സ്ത്രീകള്ക്കും ക്ഷേത്രത്തിലെത്താന് കഴിയും. നമ്മുടെ എല്ലാ ആചാരങ്ങള്ക്ക് പിന്നിലും ഒരു ശാസ്ത്രീയ ഘടകമുണ്ട്. സുപ്രിംകോടതി വിധിയെ മാനിക്കാന് എതിര്പ്പുള്ളവരും തയാറാകണമെന്നും ശ്രീ ശ്രീ രവിശങ്കര് പറഞ്ഞു.
ആത്മീയാചാര്യന് തന്നെ ശബരിമല വിഷയത്തില് സ്ത്രീകള്ക്ക് അനുകൂലമായി നിലപാടെടുത്തത് വന് വിവാദമാകാന് സാധ്യതയുണ്ട്. മുസ്ലിം സമുദായം അയോധ്യ പ്രശ്നത്തില് അവരുടെ അവകാശം ഉപേക്ഷിച്ച് മാതൃക കാണിച്ചില്ലെങ്കില് ഇന്ത്യയില് സിറിയയിലെന്നപോലെ ഒരു ആഭ്യന്തരയുദ്ധം ഉണ്ടായേക്കാമെന്ന് രവിശങ്കര് നടത്തിയ പ്രസ്താവന വന് വിവാദമായിരുന്നു. ഇതില് പൊലീസ് രവിശങ്കറിനെതിരെ കേസെടുക്കുകയുണ്ടായി. സ്വവര്ഗാനുരാഗം ശാരീരിക പ്രവണത മാത്രമാണെന്നും അത് സാവധാനം മാറുമെന്നും നേരത്തെ ശ്രീ ശ്രീ രവിശങ്കര് പറഞ്ഞതും വലിയതോതില് വിമര്ശിക്കപ്പെട്ടിരുന്നു.
https://www.facebook.com/Malayalivartha
