ശബരിമല യുവതി പ്രവേശന വിഷയത്തിൽ മലക്കം മറിഞ്ഞ് എസ് .എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ .കോടതിവിധി നിരാശാജനകമെന്നും .വിധിമറികടക്കാൻ കേന്ദ്ര -സംസ്ഥാന സർക്കാരുകൾ നിയമനിർമാണം നടത്തണമെന്ന് വെള്ളാപ്പള്ളി മാധ്യമങ്ങളോട് പറഞ്ഞു .സംസ്ഥാന സർക്കാരിനൊപ്പം നിൽക്കാൻ എസ് എൻ ഡി പിക്ക് ബാധ്യതയില്ല.സാഹചര്യം സർക്കാർ ഇരന്നുവാങ്ങിയതെന്നും വെള്ളാപ്പളി കുറ്റപ്പെടുത്തി.എൻ. എസ്. എസ് സമരം കലാപത്തിനുള്ള കോപ്പുകൂട്ടലെന്നും വെള്ളാപ്പളി പറഞ്ഞു. പ്രഷോഭങ്ങളിൽ എസ് .എന്‍.ഡി.പി പ്രവർത്തകർക്കും പങ്കെടുക്കാമെന്നും അദ്ദേഹം പറഞ്ഞു. വിശ്വാസികളായ സ്ത്രീകൾ ശബരിമലയിൽ പോകില്ലെന്ന് വിശ്വസിക്കുന്നതായും അദ്ദേഹം പറഞ്ഞു.

സ്ത്രീകള്‍ ശബരിമലയില്‍ പ്രവേശിക്കുന്നതിനെ സ്വാഗതം ചെയ്യുന്നില്ലെങ്കിലും സുപ്രീ കോടതിവിധി നടപ്പാക്കുന്നതിന്റെ പേരില്‍ സംസ്ഥാന സര്‍ക്കാരിനെതിരെ നിലപാടെടുക്കില്ലെന്നുമാണ് വെള്ളാപ്പള്ളി മുൻപ് പറഞ്ഞിരുന്നത്.തമ്പ്രാക്കന്മാര്‍ തീരുമാനിക്കുന്നത് അടിയാന്‍മാര്‍ അനുസരിക്കണമെന്നതാണു ചിലരുടെ വാശിയെന്നും . സര്‍ക്കാരുമായി ചര്‍ച്ചയ്ക്കു തയാറാകാത്ത തന്ത്രികുടുംബത്തിന്റെയും പന്തളം കൊട്ടാരത്തിന്റെയും നിലപാടു ശരിയല്ലെന്നുമായിരുന്നു വെള്ളാപ്പള്ളിയുടെ ആദ്യനിലപാട്.

ശബരിമല സ്ത്രീ പ്രവേശന വിഷയത്തിൽ എസ് .എന്‍.ഡി.പി യോഗംകൂടി സർക്കാരിന് എതിരാകുമ്പോൾ വരുംദിവസങ്ങളിൽ വൻ പ്രക്ഷോഭങ്ങൾക്കാകും കേരളം സാക്ഷ്യംവഹിക്കാൻ പോകുന്നത് .