കെ​വി​ൻ കൊലപാതക കേ​സി​ൽ കൈ​ക്കൂ​ലി വാ​ങ്ങി​യ എ​എ​സ്ഐ​യെ ജോ​ലി​യി​ൽ​നി​ന്നും പി​രി​ച്ചു​വി​ട്ടു. എ​എ​സ്ഐ ടി.​എം. ബി​ജു​വി​നെ​യാ​ണ് പി​രി​ച്ചു​വി​ട്ട​ത്. ജി​ല്ലാ പോ​ലീ​സ് മേ​ധാ​വി ഹ​രി​ശ​ങ്ക​റാ​ണ് ബിജുവിനെതിരെ നടപടിയെടുത്തത്.

കേ​സി​ലെ മു​ഖ്യ​പ്ര​തി ഷാ​നു​വി​ൽ​നി​ന്നാ​ണ് ഇ​യാ​ൾ കൈ​ക്കൂ​ലി വാ​ങ്ങി​യ​ത്. അതേസമയം സം​ഭ​വ സ​മ​യം ബി​ജു​വി​നൊ​പ്പം ഉ​ണ്ടാ​യി​രു​ന്ന പോ​ലീ​സ് ഡ്രൈ​വ​റു​ടെ മൂ​ന്നു വ​ർ​ഷ​ത്തെ ആ​നു​കൂ​ല്യ​ങ്ങ​ൾ റ​ദ്ദാ​ക്കി. എസ്ഐ എം.എസ് ഷിബു, റൈറ്റർ സണ്ണി മോൻ എന്നിവർക്കെതിരായ ഐജിയുടെ അന്വേഷണം തുടരുകയാണ്. ഇവർക്കെതിരെയുള്ള ക്രിമിനൽ നടപടികൾ തുടരും.

കെവിനെ തട്ടിക്കൊണ്ട് പോകുന്നതിന് മുമ്പ് പുലര്‍ച്ചെ രണ്ടരമണിയോടെ പട്രോളിങ് നടത്തുകയായിരുന്ന എഎസ്ഐ ബിജുവും ഡ്രൈവറും കൈക്കൂലി വാങ്ങിയെന്നാണ് കേസ്. പട്രോളിങ്ങിനിടെ പരിശോധിക്കുമ്പോള്‍ ഷാനുവും സംഘവും മദ്യപിച്ചിരുന്നു. ഇതില്‍ നിന്ന് രക്ഷപ്പെടാനായി ആയിരം രൂപ വീതം രണ്ടുപേര്‍ക്കും കൈക്കൂലി നല്‍കിയെന്നായിരുന്നു ഷാനു നേരത്തെ നല്‍കിയ മൊഴി. ചോദ്യം ചെയ്യലില്‍ ഷാനു തന്നെയാണ് ഇക്കാര്യം വെളിപ്പെടുത്തിയത്. ഇതോടെ ഇത് പ്രത്യേക കേസായി പൊലീസ് രേഖപ്പെടുത്തി.