തുലാമാസ പൂജയ്ക്കോ, ചിത്തിര ആട്ട വിശേഷ പൂജയ്ക്കോ നട തുറക്കുമ്പോള്‍ തൃപ്തി എത്തുമെന്നായിരുന്നു റിപ്പോര്‍ട്ടുകള്‍. എന്നാല്‍, മഹാരാഷ്ട്രയില്‍ മറ്റ് ചില തിരക്കുകള്‍ മൂലം യാത്ര മാറ്റിവെക്കുകയായിരുന്നു. 

ശബരിമല വിഷയത്തില്‍ യുവതീപ്രവേശന വിധിക്കെതിരായ പുന:പരിശോധനാ ഹര്‍ജികള്‍ തുറന്ന കോടതിയില്‍ വാദം കേള്‍ക്കാന്‍ സുപ്രീംകോടതി തീരുമാനിച്ചതിനു പിന്നാലെ ഈ മണ്ഡല കാലത്തു തന്നെ ശബരിമലയില്‍ എത്താനുറച്ച് ഭൂമാതാ ബ്രിഗേഡ് തൃപ്തി ദേശായി. ഈ മാസം 16 നും 20 നും ഇടയ്ക്കു തന്നെ ശബരിമലയില്‍ എത്തുമെന്നാണ് തൃപ്തി അറിയിച്ചിരിക്കുന്നത്. 


മണ്ഡല മകരവിളക്ക് പൂജകള്‍ക്കായി ഈ മാസം 16 നാണ് ശബരിമല നട തുറക്കുന്നത്. 16 മുതല്‍ 20 വരെയുള്ള സമയത്ത് എത്തുമെന്ന തൃപ്തിയുടെ അറിയിപ്പ് പോലീസുകാരെ കൂടുതല്‍ സമ്മര്‍ദ്ദത്തിലാക്കിയിരിക്കുകയാണ്.