കമ്മ്യൂണിസ്റ്റ് കോട്ടയില് ചങ്കിടിപ്പോടെ സുരേന്ദ്രന്... ആശങ്കകള്ക്കിടെ കെ. സുരേന്ദ്രനെ കൊട്ടാരക്കര സബ് ജയിലില് നിന്ന് കണ്ണൂരിലേക്ക് കൊണ്ടുപോയി; വീരബലിദാനികളുടെ നാട്ടിലേക്കാണ് ഞാന് പോകുന്നത്...
ബിജെപി നേതാവ് കെ സുരേന്ദ്രന് ഭയന്നത് തന്നെ സംഭവിച്ചു. കൊട്ടാരക്കര സബ് ജയിലില് നിന്ന് കണ്ണൂരിലേക്ക് കൊണ്ടുപോയി. രാവിലെ ഒമ്പതരയോടെയാണ് സുരേന്ദ്രനെ കണ്ണൂരിലേക്ക് കൊണ്ടുപോയത്. ഇന്ന് രാത്രി കോഴിക്കോട് ജയിലില് പാര്പ്പിച്ച ശേഷം തിങ്കളാഴ്ച കണ്ണൂരിലെത്തിച്ച് മജിസ്ട്രേട്ടിനു മുന്നില് ഹാജരാക്കുമെന്നാണ് സൂചന. പ്രൊഡക്ഷന് വാറണ്ട് നിലനില്ക്കുന്നതിനാല് മജിസ്ട്രേറ്റിനു മുന്നില് ഹാജരാക്കുന്നതിനാണ് കണ്ണൂരിലേക്ക് കൊണ്ടു പോയത്.
കണ്ണൂര് ജയിലിലേക്ക് മാറ്റുന്നതിനെതിരെ സുരേന്ദ്രന് നേരത്തെ രംഗത്തു വന്നിരുന്നു. കണ്ണൂരില് തന്നെ ബോധപൂര്പമാണ് കൊണ്ടുപോകുന്നതെന്ന് കോടതിയിലും വാദിച്ചിരുന്നു.
അതേ സമയം കണ്ണൂരിലേക്ക് പോകാന് തനിക്ക് ഭയമില്ലെന്ന് സുരേന്ദ്രന് മാധ്യമങ്ങളോട് പ്രതികരിച്ചു. മരണത്തെ ഭയമില്ലാത്തവന് കണ്ണൂരിലേക്ക് പോകുന്നതില് എന്താണ് ഭയം? വീരബലിദാനികളുടെ നാട്ടിലേക്കാണ് താന് പോകുന്നതെന്നും സുരേന്ദ്രന് പറഞ്ഞു. പങ്കെടുക്കാത്ത പരിപാടികളുടെ പേരില് പോലും കേസെടുത്തിരിക്കുകയാണ്. ക്രൂരമായ മനുഷ്യാവകാശ ലംഘനമാണ് തനിക്കെതിരെ നടക്കുന്നതെന്നും സുരേന്ദ്രന് പറഞ്ഞു. മനഃപൂര്വം പോലീസ് കള്ളക്കേസുകള് ചുമത്തുകയാണ്. പല കേസുകളിലും സമന്സുകള് ലഭിച്ചിട്ടില്ലെന്നും സുരേന്ദ്രന് പറഞ്ഞു.
എസ് പി ഓഫീസ് മാര്ച്ചിനിടെ പൊലീസ് ഉദ്യോഗസ്ഥരെ ഭീഷണിപ്പെടുത്തിയ കേസിലാണ് സുരേന്ദ്രനെതിരെ പ്രൊഡക്ഷന് വാറന്റ് പുറപ്പെടുവിച്ചിരുന്നത്. ശബരിമലയില് ആട്ടവിശേഷത്തിനെത്തിയ അമ്പത്തിരണ്ടുകാരിയെ ആക്രമിച്ച കേസില് റാന്നി ഒന്നാം ക്ലാസ് ജുഡീഷ്യല് മജിസ്ട്രേട്ട് കോടതി സുരേന്ദ്രന് ശനിയാഴ്ച ജാമ്യം നിഷേധിച്ചിരുന്നു.
"
https://www.facebook.com/Malayalivartha
