ശബരിമലയിൽ നി​രോ​ധ​നാ​ജ്ഞ ലം​ഘി​ച്ചതിന് അറസ്റ്റിലായ ബി​ജെ​പി പ്ര​വ​ർ​ത്ത​ക​ർക്ക്​ ജാമ്യം. ഞായറാഴ്ച ഉച്ചയോടെ നി​ല​യ്ക്ക​ലി​ൽ നിന്നും അറസ്റ്റിലായ ബിജെപി സംസ്ഥാന സെക്രട്ടറി വി.കെ സജീവന്റെ നേതൃത്വത്തിലുള്ള എട്ടംഗ സംഘത്തിനാണ് ജാമ്യം ലഭിച്ചത്.

ഇരുമുടിക്കെട്ടുമായി രണ്ടു കാറുകളിലെത്തിയ സംഘത്തെ ഇലവുങ്കലിൽ വച്ച് വാഹനം പൊലീസ് തടഞ്ഞ് പരിശോധിക്കുകയും പേരുവിവരങ്ങൾ രേഖപ്പെടുത്തുകയും ചെയ്തിരുന്നു. ഇതിനു ശേഷമായിരുന്നു ഇവരെ പെരുനാട് പൊലീസ് സ്റ്റേഷനിലേക്ക് കൊണ്ടുപോയത്.

സ​ന്നി​ധാ​ന​ത്ത് ത​ങ്ങാ​ൻ പാ​ടി​ല്ലെ​ന്നും നാ​മ​ജ​പ പ്ര​തി​ഷേ​ധം ന​ട​ത്ത​രു​തെ​ന്നും സം​ഘ​ത്തെ പോ​ലീ​സ് ഇവരെ അ​റി​യിച്ചിരുന്നു. തു​ട​ർ​ന്നു ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി പോ​ലീ​സ് നോ​ട്ടീ​സ് ന​ൽ​കി. നോ​ട്ടീ​സ് ഒ​പ്പി​ട്ടു ന​ൽ​ക​ണ​മെ​ന്നും പോ​ലീ​സ് ആ​വ​ശ്യ​പ്പെ​ട്ടു. പോ​ലീ​സി​ന്‍റെ ആ​വ​ശ്യം അം​ഗീ​ക​രി​ക്കാ​ൻ ത​യാ​റാ​കാ​തി​രു​ന്ന സം​ഘം നി​രോ​ധ​നാ​ജ്ഞ ലം​ഘി​ക്കു​ക​യാ​ണെ​ന്ന് പോ​ലീ​സി​നെ അ​റി​യി​ച്ചു. തു​ട​ർ​ന്നാ​യി​രു​ന്നു അ​റ​സ്റ്റ്. ശ​നി​യാ​ഴ്ച രാ​ത്രി സ​ന്നി​ധാ​ന​ത്ത് നാ​മ​ജ​പ പ്ര​തി​ഷേ​ധം ന​ട​ത്തി​യ 80 പേ​രെയും പോ​ലീ​സ് അ​റ​സ്റ്റു ചെ​യ്തി​രുന്നു. എന്നാൽ പി​ന്നീ​ട് ഇ​വ​രെയും ജാ​മ്യ​ത്തി​ൽ വി​ട്ടി​രു​ന്നു.