യുവതീ പ്രവേശന വിധിയുമായി ബന്ധപ്പെട്ട് സുരക്ഷാപ്രശ്‌നങ്ങള്‍ മുന്നില്‍ കണ്ട് ശബരിമലയില്‍ പ്രഖ്യാപിച്ച നിരോധനാജ്ഞ ഇന്ന് അവസാനിക്കും. ഒമ്പതു ദിവസം നീണ്ട നിരോധനാജ്ഞക്കാണ് ഇന്ന് അവസാനമാവുക. നേരത്തെ നവംബര്‍ 22 വരെയായിരുന്നു നിരോധനാജ്ഞ പ്രഖ്യാപിച്ചത്. അത് പിന്നീട് 26 വരെ നീട്ടുകയായിരുന്നു.
അതേസമയം, ശബരിമലയില്‍ സുരക്ഷ പ്രശ്‌നങ്ങള്‍ നിലനില്‍ക്കുന്നതിനാല്‍ നിരോധനാജ്ഞ ഒരാഴ്ച കൂടി നീട്ടണമെന്നാണ് പൊലീസിന്റെ ആവശ്യം. അതേസമയം, ശബരിമലയില്‍ നിലവില്‍ സ്ഥിതി ശാന്തമാണ്. പൊലീസ് നിയന്ത്രണത്തിലാണ് കാര്യങ്ങള്‍ മുന്നോട്ടുപോകുന്നത്. നിരോധനാജ്ഞ പിന്‍വലിച്ചാല്‍ പ്രശ്‌നങ്ങള്‍ ഉണ്ടാകുമോ എന്നതാണ് പൊലീസിന്റെ ഭയം.