ശബരിമല യുവതി പ്രവേശനവുമായി ബന്ധപ്പെട്ട് നിലനില്‍ക്കുന്ന നിയന്ത്രണങ്ങള്‍ പിന്‍വലിക്കില്ലെന്ന് മുഖ്യമന്ത്രി പിണറായി വിജയന്‍. ശബരിമലയെ അയോധ്യയാക്കാനുള്ള ശ്രമങ്ങള്‍ നടന്നുവെന്നും ശബരിമലയിലുണ്ടായ പ്രതിഷേധങ്ങള്‍ക്കും അക്രമങ്ങള്‍ക്കും പിന്നില്‍ ഗൂഢാലോചനയുണ്ടായിരുന്നുവെന്നും മുഖ്യമന്ത്രി പറഞ്ഞു.

ശബരിമലയില്‍ ഭക്തരെന്ന വ്യാജേന വന്നവര്‍ ക്രമസമാധാനം തകര്‍ക്കുകയായിരുന്നുവെന്നും ഇവര്‍ വനിതാ മാധ്യമപ്രവര്‍ത്തകരെ അടക്കം കൈയേറ്റം ചെയ്യുകയും, വാഹനങ്ങള്‍ തടയുകയും ചെയ്തുവെന്നും മുഖ്യമന്ത്രി കുറ്റപ്പെടുത്തി.

ശബരിമലയില്‍ പ്രശ്നങ്ങള്‍ രൂക്ഷമായപ്പോഴാണ് നിരോധനാജ്ഞയും നിയന്ത്രണങ്ങളും ഏര്‍പ്പെടുത്തിയതെന്നും അതിനാല്‍ നിലവിലുള്ള നിയന്ത്രണങ്ങള്‍ പിന്‍വലിക്കില്ലെന്നും പിണറായി വിജയന്‍ പറഞ്ഞു. അക്രമികള്‍ക്ക് അഴിഞ്ഞാടാന്‍ അവസരം നല്‍കാനാവില്ലെന്നും മുഖ്യമന്ത്രി കൂട്ടിച്ചേര്‍ത്തു.