18,600 അടി ഉയരത്തിൽ ഇന്ത്യൻ സൈന്യത്തിന്റെ അതിസാഹസിക രക്ഷാദൗത്യം. ലഡാക്കിലെ നൺ കുൻ പർവതനിരകളിൽ കുടുങ്ങിയ ആളെ സൈന്യം രക്ഷപ്പെടുത്തി. വിദേശ പൗരനായ പർവ്വതാരോഹകനാണ് രക്ഷപ്പെട്ടത്. പ്രതികൂല കാലാവസ്ഥയെയും കാറ്റിനെയും അതിജീവിച്ചാണ് ആർമി ഏവിയേഷൻ പൈലറ്റുമാർ രക്ഷാപ്രവർത്തനം നടത്തിയത്.

ലാൻഡിങ് സൗകര്യമില്ലാത്ത കുത്തനെയുള്ള മലഞ്ചെരുവിൽ അതീവ അപകടകരമായ 'വൺ-സ്‌കിഡ്' ലാൻഡിങ് നടത്തിയായിരുന്നു ഇന്ത്യൻ സൈന്യത്തിന്റെ അസാധ്യ ദൗത്യം. പർവതനിരകളിൽ കുടുങ്ങിയതിന് പിന്നാലെ കാലാവസ്ഥ മൂലം വിദേശ യാത്രികന്റെ ആരോഗ്യനില വഷളായതോടെ സൈന്യം അടിയന്തരമായി രക്ഷാപ്രവർത്തനത്തിനെത്തി.