ഹൃദയത്തോട് ചേര്ത്തുവച്ചപ്പോള്... ഭീകരരുമായി ഉണ്ടായ ഏറ്റുമുട്ടലില് വീരമൃത്യു വരിച്ച സൈനികന്റെ കുടുംബത്തിനോട് ആദരവ് കാട്ടിയതിങ്ങനെ
ധീര സൈനികരെ ഭാരതം എന്നും ആദരിച്ചിട്ടേയുള്ളു. അത്തരത്തില് ഹൃദയത്തില് തട്ടുന്ന സംഭവമാണ് കഴിഞ്ഞ ദിവസം നടന്നത്. ഭീകരരുമായി ഉണ്ടായ ഏറ്റുമുട്ടലില് വീരമൃത്യു വരിച്ച സൈനികന് നസീര് അഹമ്മദിന്റെ പിതാവിനെ ചേര്ത്തുപിടിച്ച് ആശ്വസിപ്പിക്കുന്ന ഹൃദയഭേദകമായ ചിത്രവുമായി സൈന്യം രംഗത്തെത്തിയത്. നിങ്ങള് തനിച്ചല്ല എന്ന അടിക്കുറിപ്പോടെ സൈന്യത്തിന്റെ ഔദ്യോഗിക ട്വിറ്ററിലാണ് ചിത്രം പോസ്റ്റ് ചെയ്തിരിക്കുന്നത്.
ഏറ്റുമുട്ടലില് വീരമൃത്യു വരിച്ച ലാന്സ് നായിക് നസീര് അഹമ്മദ് വാനിയുടെ പിതാവിനെ സൈനികന് ചേര്ത്തുപിടിച്ച് ആശ്വസിപ്പിക്കുന്ന ചിത്രമാണ് സൈന്യം ട്വീറ്റ് ചെയ്തത്. സമൂഹമാദ്ധ്യമങ്ങളില് ഈ ചിത്രം അതിവേഗം പ്രചരിക്കുകയാണ്. നസീറിന്റെ മൃതദേഹം സൈനിക ബഹുമതികളോടെ സംസ്കരിക്കുന്ന ചടങ്ങിനിടെയാണ് ചിത്രം പകര്ത്തിയത്.
ഹിസ്ബുള് മുജാഹിദീന് ഭീകരരുമായുണ്ടായ ഏറ്റുമുട്ടലിലാണ് നസീര് അഹമ്മദ് കൊല്ലപ്പെട്ടത്. മുന്പ് ഭീകര സംഘടനയിലേക്ക് ആകൃഷ്ടനായ നസീ കശ്മീരിലെ ആക്രമണങ്ങള് അര്ത്ഥശൂന്യമാണെന്ന് തിരിച്ചറിഞ്ഞതോടെ സൈന്യത്തിന് മുന്നില് കീഴടങ്ങിയിരുന്നു.
പിന്നീട് പരിശീലനം നേടി 2004ല് സൈനികനായിരുന്നു. ഭീകരപ്രവര്ത്തനങ്ങള് അടിച്ചമര്ത്തുന്നതിലുള്ള പ്രവര്ത്തനങ്ങള് കണക്കിലെടുത്ത് 2007ലും 2017ലും അദ്ദേഹത്തിന് സേനാ മെഡലുകള് നല്കി ആദരിച്ചിരുന്നു.
https://www.facebook.com/Malayalivartha
