മദ്യപാനികള്‍ക്ക് സന്തോഷം നല്‍കുന്ന ഒരു വാര്‍ത്തയാണ്. നാളെ മുതല്‍ മദ്യത്തിന് വില കുറയുന്നു. പ്രളയത്തിന്റെ പശ്ചാത്തലത്തില്‍ പണം കണ്ടെത്തുന്നതിന്റെ ഭാഗമായി ഇന്ത്യന്‍ നിര്‍മിത വിദേശ മദ്യത്തിന്റെ വില കൂട്ടാന്‍ പ്രത്യേക മന്ത്രിസഭായോഗം തീരുമാനിച്ചിരുന്നു. മദ്യത്തിന്റെ എക്‌സൈസ് തീരുവ നവംബര്‍ 30 വരെ അര ശതമാനം മുതല്‍ 3.5 ശതമാനം വരെ വര്‍ധിപ്പിച്ചിരുന്നു അതിന്റെ കാലാവധി ഇന്ന് അവസാനിക്കുന്ന സാഹചര്യത്തിലാണ് മദ്യത്തിന്റെ വില കുറയുന്നത്. നാളെ ഒന്നാം തിയതി ആയതിനാല്‍ രണ്ടാം തിയതിമുതലാകും കുറഞ്ഞ നിരക്ക് നിലവില്‍ വരിക


കേരളത്തിലുണ്ടായ പ്രളയക്കെടുതി നേരിടുന്നതിനുള്ള പണം കണ്ടെത്തുന്നതിന്റെ ഭാഗമായി ഇന്ത്യന്‍ നിര്‍മിത വിദേശ മദ്യത്തിന്റെ വില കൂട്ടാന്‍ പ്രത്യേക മന്ത്രിസഭായോഗം തീരുമാനിച്ചതിന്റെ പശ്ചാത്തലത്തിലാണ് . മദ്യത്തിന്റെ എക്‌സൈസ് തീരുവ കൂട്ടിയിരുന്നത്. നവംബര്‍ 30 വരെ അര ശതമാനം മുതല്‍ 3.5 ശതമാനം വരെ വര്‍ധിപ്പിച്ചായിരുന്നു ആ നടപടി. എക്‌സൈസ് തീരുവ അര ശതമാനം കൂട്ടുന്നതോടെ വില്‍പന നികുതിയില്‍ ഒരു ശതമാനത്തിന്റെ വര്‍ധനയുണ്ടാകുമെന്നായിരുന്നു സര്‍ക്കാരിന്റെ കണക്കു കൂട്ടല്‍. ഇതിലൂടെ സര്‍ക്കാരിന് 230 കോടി രൂപയുടെ അധിക വരുമാനമാണ് പ്രതീക്ഷിച്ചിരുന്നത്. ഏകദേശം പ്രതീക്ഷിച്ചത്ര വരുമാനം ഇതില്‍ നിന്ന് ലഭിച്ചു എന്നാണ് പ്രാധമിക കണക്കുകൂട്ടല്‍

ബവ്‌റിജസ് കോര്‍പറേഷനും കണ്‍സ്യൂമര്‍ഫെഡും വില്‍ക്കുന്ന സാധാരണ ഫുള്‍ ബോട്ടില്‍ മദ്യത്തിന്റെ വില്‍പന വില ഇതോടെ 20 രൂപ മുതല്‍ 60 രൂപ വരെ വര്‍ധിച്ചിരുന്നത്. എന്നാല്‍ ആ ഇനത്തില്‍ ഇനി വിലയില്‍ വലിയ വെത്യാസമുണ്ടാകും. എക്‌സൈസ് തീരുവയുടെ ഇരട്ടിയായിരുന്നു വില്‍പന നികുതി വര്‍ധന. ഇതും രണ്ടും ചേര്‍ന്ന വര്‍ധനയാണു നിലവിലുണ്ടായിരുന്നത് അതാണ് നാളെ മുതല്‍ നീക്കുക. 

ആറു സ്ലാബുകളായി തിരിച്ചാണ് തീരുവ കൂട്ടിയിരുന്നത്. 235 രൂപയ്ക്കും 250 രൂപയ്ക്കും ഇടയ്ക്കു വിലയുളള മദ്യത്തിന് വാങ്ങല്‍ ചെലവിന്റെ 21 ശതമാനമായി എക്‌സൈസ് തീരുവ കുറച്ചിട്ടുണ്ട്. ഈ വിഭാഗത്തിലുള്ള മദ്യത്തിന് 20 മുതല്‍ 25 രൂപ വരെ വിലക്കുറവുണ്ടാകും. 250 മുതല്‍ 300 രൂപ വരെ വിലയുള്ള ഇത് 24.5 ശതമാനമായിരുന്നു നിലവിലെ എക്‌സൈസ് തീരുവ. ഇപ്പോള്‍ 22.5 ശതമാനമായി കുറഞ്ഞിരിക്കുകയാണ്. 300 മുതല്‍ 500 രൂപ വരെയുള്ള രണ്ടു സ്ലാബുകളിലും എക്്‌സൈസ് തീരുവയില്‍ രണ്ടു ശതമാനം വീതം വര്‍ധിപ്പിച്ചിരുന്നു. 500 മുതല്‍ 1000 രൂപ വരെയുള്ള മദ്യത്തിന്റെ എക്‌സൈസ് തീരുവ 27 ശതമാനത്തില്‍ നിന്ന്് 23.5 ആക്കി കുറയ്ക്കും.