കവിത മോഷ്ടിച്ചത് തെറ്റാണ്, മാപ്പ് ആവശ്യമില്ല: ദീപയേയും ശ്രീചിത്രനേയും തള്ളി കലേഷിന്റെ മാസ് മറുപടി
കവിത അപഹരിക്കുന്നത് കുറ്റകൃത്യം തന്നെയാണ് എന്നുവെച്ച് അവര്ക്കെതിരെ നിയമനടപടിക്കോ ആള്ക്കൂട്ട ആക്രമണത്തിനോ ഇല്ലെന്ന് കവി എസ് കലേഷ്. ഒരു മാധ്യമത്തിനു നല്കിയ അഭിമുഖത്തിലാണ് ദീപ നിശാന്തിനോടും ശ്രീചിത്രനോടും യാതൊരു വിധത്തിലുള്ള പ്രതികാര നടപടികള്ക്കോ ഇടപെടലിനോ ഇല്ലെന്നും മാപ്പു പോലും ആവശ്യമില്ലെന്നും കലേഷ് പറഞ്ഞത്.
കലേഷിന്റെ വാക്കുകള്:
'എന്റെ ഒരു സുഹൃത്ത് കവിത പ്രസിദ്ധീകരിച്ച പേജ് വാട്സാപ്പ് ചെയ്ത് തരികയായിരുന്നു. ആദ്യം എനിക്കതൊരു തമാശയായിട്ടാണ് തോന്നിയത്. മുമ്പ് പ്രസിദ്ധീകരിച്ചൊരു കവിതയാണത്. അത് അവരുടെ പേരില് മറ്റാരെങ്കിലും അയച്ചു കൊടുത്തതാവാം എന്നാണ് കരുതിയത്. പിന്നീട് കവിതയുടെ അവകാശത്തെക്കുറിച്ച് ചര്ച്ചകളുണ്ടയപ്പോഴാണ് അതൊരു ബുദ്ധിമുട്ടായി തോന്നിയത്. ആ കവിതയെഴുതിയ വൈകാരിക പരിസരം മറ്റുള്ളവര്ക്ക് ഒരിക്കലും ഉണ്ടാവില്ല.' കലേഷ് പറഞ്ഞു.
ആള്ക്കൂട്ട വിചാരണകളോട് താല്പ്പര്യമില്ല. ഇപ്പോഴത്തെ ഒരു സാഹചര്യത്തില് ആള്ക്കൂട്ട വിചാരണകളിലേയ്ക്ക് നീങ്ങാനുള്ള സാധ്യത കേരളത്തിലുണ്ട്. ചെയ്ത തെറ്റ് അവര് ഉള്ക്കൊണ്ട് മുന്നോട്ട് പോവുകയാണ് വേണ്ടത്. അവരെ വളഞ്ഞാക്രമിക്കുന്നതിനോടും താല്പ്പര്യമില്ല. അങ്ങനെ ചെയ്യുന്നവര്ക്കൊപ്പം ഞാനില്ല. ഒരു കവിയെന്ന നിലയില് അതില് എന്റെ പങ്ക് ഒരു ശതമാനമെങ്കിലുമുണ്ടായാല് അത് ഭരണഘടനാ വിരുദ്ധവും മനുഷ്യത്വ വിരുദ്ധവുമാണെന്ന് എനിക്ക് തോന്നി.' കലേഷ് വ്യക്തമാക്കി.
'മാപ്പ് എന്ന വാക്കിന് വലിയ അര്ത്ഥങ്ങളുണ്ടെന്ന് തോന്നുന്നില്ല. പറഞ്ഞു പറഞ്ഞു തേഞ്ഞു പോയ ഒരു വാക്കാണത്. ഒരു മനുഷ്യന് മറ്റൊരു മനുഷ്യനോട് മാപ്പു പറയുന്നത് എന്തിനാണ്. മാപ്പിന്റെ ആവശ്യമില്ല. മാപ്പ് സ്വീകരിക്കുന്നില്ല' എന്നും കലേഷ് പറഞ്ഞു.
https://www.facebook.com/Malayalivartha