നിയമസഭ തെരഞ്ഞെടുപ്പില് ബിജെപി പ്രകടന പത്രിക ഇന്ന് പുറത്തിറക്കും... യുവാക്കളുടേയും സ്ത്രീകളുടേയും വോട്ടു ലക്ഷ്യമിട്ട് നിരവധി വാഗ്ദാനങ്ങള്ക്കും സാധ്യത, മോദിക്ക് പിന്നാലെ, തെരഞ്ഞെടുപ്പ് പ്രചാരണത്തിന് ആവേശം പകരാനായി ബിജെപി അധ്യക്ഷന് നിതിന് നബീനെത്തുന്നു
നിയമസഭ തെരഞ്ഞെടുപ്പില് ബിജെപി പ്രകടന പത്രിക ഇന്ന് പുറത്തിറക്കും. ബിജെപി ദേശീയ അധ്യക്ഷന് നിതിന് നബീനാണ് പത്രിക പുറത്തിറക്കുന്നത്. അതിവേഗ റെയില് പദ്ധതി പ്രകടനപത്രികയില് ഇടംപിടിച്ചേക്കും. യുവാക്കളുടേയും സ്ത്രീകളുടേയും വോട്ടു ലക്ഷ്യമിട്ട് നിരവധി വാഗ്ദാനങ്ങള്ക്കും സാധ്യത.
മോദിക്ക് പിന്നാലെ, തെരഞ്ഞെടുപ്പ് പ്രചാരണത്തിന് ആവേശം പകരാനായി ബിജെപി അധ്യക്ഷന് നിതിന് നബീനെത്തുന്നു. രാവിലെ ആറ്റിങ്ങലില് റോഡ് ഷോയില് നിതിന് നബീന് പങ്കെടുക്കും. തുടര്ന്ന് ഉച്ചയ്ക്ക് രണ്ടുമണിക്കാണ് തിരുവനന്തപുരത്ത് ബിജെപി പ്രകടന പത്രിക പുറത്തിറക്കുന്നത്. പ്രധാനമന്ത്രി പ്രഖ്യാപിച്ച മോദി ഗ്യാരണ്ടി എന്തൊക്കെയാണെന്ന് രാഷ്ട്രീയ കേരളം ഉറ്റുനോക്കുന്നു.
വിദ്യാര്ത്ഥികള്ക്കായും ചില പദ്ധതികള് പ്രകടന പത്രികയില് ഇടംപിടിച്ചേക്കുമെന്നാണ് സൂചനകളുള്ളത്. ബിജെപി ക്യാംപിന് ആവേശമായി കേന്ദ്ര ആഭ്യന്തരമന്ത്രി അമിത് ഷായും ഇന്ന് കേരളത്തിലെത്തുമെന്നാണ് റിപ്പോര്ട്ടുകളുള്ളത്. തിരുവനന്തപുരം ജില്ലയിലെ വിവിധ പരിപാടികളില് അമിത് ഷാ പങ്കെടുത്തേക്കും. ഏപ്രില് ആദ്യവാരം ഹരിപ്പാട്, തൃപ്പൂണിത്തുറ, തലശ്ശേരി, കോഴിക്കോട് എന്നിവിടങ്ങളിലും അമിത് ഷാ പ്രചാരണത്തിനെത്തും.
കേന്ദ്ര മന്ത്രിമാരായ നിതിന് ഗഡ്കരി, രാജ്നാഥ് സിങ്, എസ്.ജയശങ്കര്, ഡല്ഹി മുഖ്യമന്ത്രി രേഖ ഗുപ്ത, മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് തുടങ്ങിയ നേതാക്കളും പ്രചാരണത്തിനായി അടുത്ത ദിവസങ്ങളില് കേരളത്തിലെത്തുന്നുണ്ട്.
https://www.facebook.com/Malayalivartha
