ഏഷ്യൻ കപ്പ് യോഗ്യത നേടാനായി കഴിയാതെ പുറത്തായ ഇന്ത്യൻ ഫുട്‌ബോൾ ടീം ഇന്ന് ആശ്വാസ ജയം തേടി കൊച്ചിയിൽ ഇറങ്ങുന്നു. ഹോങ്കോങാണ് എതിരാളികൾ. കൊച്ചി ജെഎൽഎൻ സ്‌റ്റേഡിയത്തിൽ വൈകുന്നേരം 7 മുതലാണ് പോരാട്ടം.

ഗ്രൂപ്പ് സിയിൽ നിലവിൽ 2 പോയിന്റുമായാണ് ഇന്ത്യ നിൽക്കുന്നത്. ഗ്രൂപ്പിലെ ഇന്ത്യയുടെ അവസാന പോരാട്ടമാണ് ഇന്ന് കൊച്ചിയിൽ അരങ്ങേറുന്നത്. 10 വർഷത്തിനു ശേഷമാണ് കൊച്ചിയിൽ ഇന്ത്യൻ ടീം വീണ്ടും ഫുട്ബോൾ തട്ടാനിറങ്ങുന്നത്.

പുതിയ സ്വപ്‌നങ്ങൾക്ക് ചിറകു നൽകാനായി ഇന്ന് ടീമിനു ജയം അനിവാര്യമാണ്. പ്രതിസന്ധികൾ ഒഴിയാതെ നിൽക്കുന്ന ഇന്ത്യൻ ടീമിന്റെ ആത്മവിശ്വാസം തിരികെ പിടിക്കാനുള്ള ശ്രമമാണ്.