അടുത്ത മാസത്തോടെ സംസ്ഥാനത്ത് ഒരുലക്ഷത്തിഅയ്യായിരം പേര്ക്ക് പട്ടയം ലഭ്യമാകുമെന്ന് റവന്യു മന്ത്രി
556 കുടുംബങ്ങളുടെ സ്വപ്നമാണ് തിങ്കള്കരിക്കം വില്ലേജിലെ സാംനഗറില് ഇന്നലെ വൈകുന്നേരം നടന്ന പട്ടയ വിതരണ ചടങ്ങിൽ ചടങ്ങില് സഫലമായത്. അടുത്ത മാസത്തോടെ സംസ്ഥാനത്ത് ഒരുലക്ഷത്തിഅയ്യായിരം പേര്ക്ക് പട്ടയം ലഭ്യമാകുമെന്ന് റവന്യു മന്ത്രി പറഞ്ഞു. പരപ്പാര് ഡാമിന്റെ വൃഷ്ടിപ്രദേശത്തുനിന്ന് മാറ്റിപ്പാര്പ്പിക്കപ്പെട്ട കുടുംബങ്ങള്ക്കാണ് പട്ടയം വിതരണം ചെയ്തത്.
മുഖ്യമന്ത്രി പിണറായി വിജയന്റെ നേതൃത്വത്തിലുള്ള സര്ക്കാര് ഇതുവരെ 75,000 പേര്ക്ക് കൈവശ ഭൂമിക്ക് പട്ടയം ലഭ്യമാക്കി. ഡിസംബര്, ജനുവരി മാസങ്ങളിലായി വിതരണം ചെയ്യുന്നതിന് മുപ്പതിനായിരം പട്ടയങ്ങള്കൂടി തയ്യാറാക്കിട്ടുണ്ട്. ഭൂമിയുടെ ഉടമസ്ഥാവകാശമില്ലാതെ അനേകം പേര് അവശേഷിക്കുന്ന സാഹചര്യത്തില് പട്ടയ വിതരണത്തിനുള്ള പ്രവര്ത്തനങ്ങള് തുടരാനാണ് സര്ക്കാര് തീരുമാനമെന്ന് അദ്ദേഹം വ്യക്തമാക്കി. മന്ത്രി കെ രാജു അധ്യക്ഷത വഹിച്ചു.
മന്ത്രി ജെ മേഴ്സിക്കുട്ടിഅമ്മ മുഖ്യാതിഥിയായിരുന്നു. ജില്ലാ കളക്ടര് ഡോ. എസ് കാര്ത്തികേയന് റിപ്പോര്ട്ട് അവതരിപ്പിച്ചു. മുന് എംഎല്എ പിഎസ് സുപാല്, കശുവണ്ടി വികസന കോര്പ്പറേഷന് ചെയര്മാന് എസ് ജയമോഹന്, എഡിഎം ബി രാധാകൃഷ്ണന്, ആര്ഡിഒ ബി ശശികുമാര്, അഞ്ചല് ബ്ലോക്ക് പഞ്ചായത്ത് പ്രസിഡന്റ് രഞ്ജു സുരേഷ്, കുളത്തൂപ്പുഴ ഗ്രാമപഞ്ചായത്ത് പ്രസിഡന്റ് പി ലൈലാബീവി തുടങ്ങിയവര് പങ്കെടുത്തു.
https://www.facebook.com/Malayalivartha
