തിരഞ്ഞെടുപ്പ് ആവേശത്തിലാണ് കേരളം. കഴിഞ്ഞ രണ്ട് തവണയും കേരളം ഭരിച്ച പിണറായി ഇനി തുടരണോ വേണ്ടയോ എന്ന് അറിയാനുള്ള ആകാംശയിൽ വോട്ടർമാരും. കഴിവിൽ പരമാവധി ഇടതിനെ എതിർക്കാൻ വിവി​ദ ആരോപണങ്ങൾ ഓർമ്മപ്പെടുത്തുന്നു എതിർ മുന്നണികൾ. കേരളത്തെ സാമ്പത്തിക പ്രതിസന്ധിയിലാക്കിയതും ഫണ്ട് മുക്കി വികസന കൊള്ള നടത്തിയതുമടക്കം നിരവധി കാര്യങ്ങൾ ഇതിനായി ആയുധമാക്കുന്നുണ്ട്. ശബരിമല സ്വർണ്ണക്കൊള്ളയും ഇതിൽ പ്രധാനപ്പെട്ട ഒരു വിശയമാണ്. പാരഡി പാട്ടും പ്രസം​ഗവുമടക്കം ഇത്തരം കാര്യങ്ങൾ ജനങ്ങളിലേക്കെത്തിക്കാൻ ഉപയോ​ഗിക്കുന്ന മാർ​ഗവും വ്യത്യസ്തമാണ്.

ഇപ്പോഴിതാ സോഷ്യൽ മീഡിയയിൽ വൈറലാകുന്നു അത്തരമൊരു പോസ്റ്റർ. സെക്രട്ടറിയേറ്റിന് മുൻ ഭാ​ഗത്തായി ഉള്ള നടപ്പാതയിൽ സ്വർണ്ണം കട്ടത് ആരാണെന്ന് അറിയണോ അറിയണമെങ്കിൽ മുകളിലേക്ക് നോക്കൂ എന്ന് എഴുതിയ പോസ്റ്റർ ഒട്ടിച്ചിരിക്കുന്നു. ആ പോസ്റ്ററിൽ നിന്ന് നേരെ മുകളിലേക്ക് നോക്കിയാൽ കാണുന്നത് LDFന്റെ പ്രചരണ  ഭാ​ഗമായി തയ്യാരാക്കിയ പോസ്റ്ററാണ്. ഇതിൽ മുഖ്യമന്ത്രി പിണറായി വിജയന്റെ ചിത്രം വലിയ രൂപത്തിൽ തയ്യാറാക്കി വച്ചിട്ടുമുണ്ട്. എന്തായാലും സംഭവം സോഷ്യൽ മീഡിയയിൽ വൈറലാകുകയാണ്.