ശബരിമല കോടതിവിധിയുടെ മറവില് ആത്മഹത്യയും അപകടമരണവും വരെ ബി.ജെ.പി ഹര്ത്താലിനായി ഉപയോഗിക്കുന്നു... അതിന്റെ മറവില് അക്രമം അഴിച്ച് വിടുന്നു, ഇന്നത്തെ ഹര്ത്താല് കോടതിവിധിക്കെതിരായ വെല്ലുവിളി, യുവതികള് ദര്ശനം നടത്തി മണിക്കൂറുകള് കഴിഞ്ഞിട്ടും സ്വാഭാവിക പ്രതികരണം ഉണ്ടായില്ല
ശബരിമലയില് സുപ്രീംകോടതി വിധി പ്രകാരം സര്ക്കാര് യുവതീപ്രവേശനം നടപ്പാക്കിയപ്പോള് ആചാരലംഘനം എന്നാരോപിച്ച് ഹര്ത്താല് നടത്തുന്നത് കോടതി വിധിയോടുള്ള വെല്ലുവിളിയാണെന്ന് മുഖ്യമന്ത്രി പിണറായി വിജയന്. വിധി അട്ടിമറിക്കാനും ശബരിമല സംഘര്ഷഭരിതമാക്കാനും ആര്.എസ്.എസ് ശ്രമം. ഇവര് എന്തെല്ലാം അക്രമ പ്രവര്ത്തനം നടത്തുന്നുണ്ടെന്ന് ജനങ്ങളുടെ മനസിലുണ്ട്. ഇത്തരം സംഘര്ഷങ്ങളില് നിന്ന് നാടിനെ മോചിപ്പിക്കാനാണ് സര്ക്കാര് ശ്രമിക്കുന്നു. പൊലീസ് ഇടപെടല് സംഘര്ഷം ഒഴിവാക്കനാണ്. യുവതികള് കഴിഞ്ഞ ദിവസം ശബരിമലദര്ശനം നടത്തിയപ്പോള് മറ്റ്ഭക്തരുടെ പ്രതിഷേധം ഉണ്ടായില്ല. മാത്രമല്ല അവര് തങ്ങള്ക്ക് ദര്ശനം നടത്തുന്നതിന് സഹായിച്ചെന്നും അവര് വ്യതമാക്കിയെന്നും മുഖ്യമന്ത്രി വ്യക്തമാക്കി.
യുവതികള് ദര്ശനം നടത്തിയ വിവരം ശബരിമലയ്ക്ക് പുറത്തറിഞ്ഞ് മണിക്കൂറുകള് പിന്നിട്ടിട്ടും നാട്ടിലെങ്ങും സംഘര്ഷം ഉണ്ടായില്ല. അതിനര്ത്ഥം സ്വാഭാവിക പ്രതിഷേധം നടന്നില്ലെന്നാണ്. അയ്യപ്പഭക്തര്ക്കാര്ക്കും എതിര്പ്പില്ലായിരുന്നു. എന്നാല് സംഘര്ഷം നടത്താന് ആഗ്രഹിക്കുന്നവര് അടങ്ങിയിരുന്നില്ല. ശബരിമലയുടെ മറവില് രാഷ്ട്രീയ മുതലെടുപ്പ് നടത്തുന്നവര് സംഘര്ഷം ഉണ്ടാക്കാന് താഴേത്തട്ടിലേക്ക് നിര്ദ്ദേശം നല്കി. അതോടെ ആര്.എസ്.എസ് തെരുവില് അക്രമം സംഘടിപ്പിക്കാന് തയ്യാറായി. സ്വാഭാവിക പ്രതിഷധം എവിടെയും ഉയര്ന്നില്ല. അതിനാല് ആര്.എസ്.എസ് നിലപാടിനെതിരെ ശക്തമായ നിലപാട് സ്വീകരിക്കാന് മന്ത്രിസഭായോഗം തീരുമാനിച്ചെന്നും മുഖ്യമന്ത്രി പറഞ്ഞു.
ഒരു തരത്തിലുമുള്ള ആക്രമവും വെച്ചുപൊറുപ്പിക്കാനാവില്ല. സാധാരണ സമരരൂപങ്ങളില് ഏറ്റവും ഒടുവിലത്തേതാണ് ഹര്ത്താല്. ഇത് തോന്നുംപടിയാണ് ബി.ജെ.പിയും ആര്.എസ്.എസും ഹര്ത്താല് നടത്തുന്നത്. അതിന് കള്ളക്കഥകള് ചമയ്ക്കുന്നു. ആത്മഹത്യയും അപകടമരണവും വരെ ഹര്ത്താലിന് കാരണമാക്കുന്നെന്നും മുഖ്യമന്ത്രി ചൂണ്ടാക്കാട്ടി. സുപ്രീംകോടതി വിധിക്കെതിരെ ബി.ജെ.പി നടത്തുന്ന അഞ്ചാമത്തെ സംസ്ഥാന ഹര്ത്താലാണ് ഇന്നത്തേത്. മൂന്ന് മാസത്തിനിടെ ഏഴ് ഹര്ത്താലാണ് നടത്തിയത്. സുപ്രീംകോടതി വിധിക്കെതിരെ ദേവസ്വംബോര്ഡ് പുനപ്പരിശോധനാ ഹര്ജി നല്കിയില്ലെന്ന് പറഞ്ഞാണ് ഒക്ടോബര് ഒന്നിന് ഹര്ത്താല് നടത്തിയത്.
ശബരിമലയിലെ പൊലീസ് നടപടിയില് പ്രതിഷേധിച്ച് തുലാമാസ പൂജയ്ക്ക് നട തുറന്നപ്പോള് (ഒക്ടോബര് 18ന്) ഹര്ത്താല് നടത്തി. ശബരിമല ദര്ശനത്തിന് പോയ പന്തളം സ്വദേശി ശിവദാസന് നവംബര് രണ്ടിന് വാഹനാപകടത്തില് മരിച്ചപ്പോള് പത്തനംതിട്ടയില് ഹര്ത്താല് നടത്തി. നവംബര് 17 വൃച്ഛികം ഒന്നായിരുന്നു. അന്ന് മണ്ഡലകാലം തുടങ്ങുന്ന ദിവസം വിശ്വാസികള്ക്ക് ഏറെ പ്രാധാന്യമുള്ളതാണ്. അന്ന് ബി.ജെ.പി ഹര്ത്താല് നടത്തി. ഡിസംബര് 11ന് തിരുവനന്തപുരത്ത് ഹര്ത്താല് നടത്തി. ഡിസംബര് 17ന് ബി.ജെ.പി സമരപ്പന്തലിന് അരികില് മധ്യവയസ്ക്കന് ആത്മഹത്യ ചെയ്തതിനും ഹര്ത്താല് നടത്തി.
https://www.facebook.com/Malayalivartha
