കേരള രാജ്യാന്തര ചലച്ചിത്ര മേളയില്‍ ഇസ്രായേലില്‍ നിന്നുള്ള ഡാന്‍സിംഗ് അറബ്‌സ് ഉദ്ഘാടന ചിത്രമാകും. ഇറാന്‍ റിക്ലിംഗ്‌സ് സംവിധാനം ചെയ്ത ചിത്രം നിരവധി രാജ്യാന്തര ചലച്ചിത്രമേളകളില്‍ പുരസ്‌കാരങ്ങള്‍ നേടിയ ശേഷമാണ് കേരള മേളയ്ക്ക് എത്തുന്നത്. ചിത്രത്തില്‍ മുഖ്യ കഥാപാത്രത്തെ അവതരിപ്പിച്ച തൗഫിക് ബറോം ഉദ്ഘാടന ചടങ്ങില്‍ മുഖ്യാതിഥിയാകും.

ഡിസംബര്‍ 12 മുതല്‍ 19 വരെയാണ് ചലച്ചിത്രമേള തിരുവനന്തപുരത്ത് അരങ്ങേറുന്നത് 140 ചിത്രങ്ങളാണ് ആസ്വാദകരെ തേടി ചലച്ചിത്രമേളയിലെത്തുന്നത്. കേരള രാജ്യാന്തര ചലച്ചിത്രമേളയുടെ പ്രധാന ആകര്‍ഷക ഇനമായ മത്സരവിഭാഗത്തില്‍ നാല് ഇന്ത്യന്‍ ചിത്രങ്ങളും വിദേശ ഭാഷാ ചിത്രങ്ങളും ഉള്‍പ്പെടെ 14 ചിത്രങ്ങള്‍ പ്രദര്‍ശിപ്പിക്കും.