സി.പി.എം തിരുവനന്തപുരം ജില്ലാ കമ്മിറ്റി ഓഫീസില് അര്ദ്ധരാത്രി പരിശോധന നടത്തിയ എസ്.പി ചൈത്ര തെരേസ ജോണിനെതിരെ നടപടി വേണ്ടെന്ന് എ.ഡി.ജി.പി മനോജ് എബ്രഹാമിന്റെ റിപ്പോര്ട്ട്, ചട്ടവിരുദ്ധമായി ചൈത്ര ഒന്നും ചെയ്തിട്ടില്ല
സി.പി.എം തിരുവനന്തപുരം ജില്ലാ കമ്മിറ്റി ഓഫീസില് അര്ദ്ധരാത്രി പരിശോധന നടത്തിയ എസ്.പി ചൈത്ര തെരേസ ജോണിനെതിരെ നടപടി വേണ്ടെന്ന് എ.ഡി.ജി.പി മനോജ് എബ്രഹാമിന്റെ റിപ്പോര്ട്ട്. ഡി.ജി.പിക്ക് റിപ്പോര്ട്ട് കൈമാറിയെങ്കിലും അദ്ദേഹമത് ആഭ്യന്തരവകുപ്പിന് കൈമാറും. മുഖ്യമന്ത്രിയാണ് എന്തെങ്കിലും നടപടി വേണമോ എന്ന് തീരുമാനിക്കുന്നത്. നിലവില സാഹചര്യത്തില് നടപടി എടുക്കാന് സാധ്യതയില്ലെന്നാണ് സൂചന. ചട്ടവിരുദ്ധമായി ചൈത്ര ഒന്നും ചെയ്തിട്ടില്ലെന്നാണ് എ.ഡി.ജി.പി മനോജ് എബ്രഹാമിന്റെ റിപ്പോര്ട്ടില് പറയുന്നത്. അതേസമയം യുവ ഉദ്യോഗസ്ഥയുടെ പരിചയക്കുറവാണ് ഇത്തരമൊരു സാഹചര്യത്തിലേക്ക് നയിച്ചതെന്നും പറയുന്നു.
കോടതിയെ അറിയിച്ച ശേഷമാണ് ഡി.സി.പി ചൈത്ര തെരേസ ജോണ് പൊലീസ് സ്റ്റേഷന് ആക്രമണ കേസിലെ പ്രതികളെ പിടികൂടാന് സി.പി.എം ജില്ലാ കമ്മിറ്റി ഓഫീസില് പരിശോധന നടത്തിയത്. പ്രതിയുടെ അമ്മയില് നിന്ന് കിട്ടിയ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. എന്നാല് പ്രതികളെ പിടികൂടാനോ, കണ്ടെത്താനോ കഴിഞ്ഞില്ല. അതിനാല് എസ്.പിക്ക് ജാഗ്രതക്കുറവുണ്ടായി എന്നും റിപ്പോര്ട്ടില് പറയുന്നു. സംഭവം പുറത്ത് വന്നത് മുതല് സേനയിലെ പല ഉന്നത ഉദ്യോഗസ്ഥരും എസ്.പിക്ക് ഒപ്പമാണ്. കാരണം പേര് പല ഐ.പി.എസ് ഉദ്യോഗസ്ഥരെയും അമ്പരപ്പിച്ച നിലപാടാണ് ചൈത്ര സ്വീകരിച്ചത്.
മെഡിക്കല് കോളജ് സ്റ്റേഷനിലെ പൊലീസുകാരടക്കം പരിശോധന പാടില്ലെന്ന് ഡി.സി.പിയെ ധരിപ്പിച്ചെങ്കിലും അവര് വഴങ്ങിയില്ല. നിയമസഭ നടക്കുന്ന വേളയില് അര്ദ്ധരാത്രിയില് പാര്ട്ടി ഓഫീസില് റെയ്ഡ് നടത്തിയത് വലിയ നാണക്കേടായി. അതിനാല് എസ്.പിക്കെതിരെ ഏതെങ്കിലും തരത്തിലുള്ള നടപടി വേണമെന്ന കടുത്ത നിലപാടിലാണ് തിരുവനന്തപുരത്തെ നേതാക്കള്. വനിതാ സെല്ലിലെ എസ്.പിയായിരുന്ന ചൈത്രയെ റെയ്ഡിനെ തുടര്ന്ന് അവിടേക്ക് തന്നെ മുഖ്യമന്ത്രി മടക്കി അയച്ചിരുന്നു. നിയമപരമായി കൃത്യനിര്വഹണം ചെയ്തതിനാല് സര്ക്കാരിന് നടപടിയെടുക്കാനാവില്ല. അഥവാ എടുത്താല് തന്നെ അവര്ക്ക് കോടതിയില് ചോദ്യം ചെയ്യാം. ശബരിമല വിഷയത്തിലുള്പ്പെടെ പൊലീസ് സേനയിലെ ഉന്നതര് സര്ക്കാരിനൊപ്പം ശക്തമായി നിന്നതിനാല് അവരെ പിണക്കാന് സര്ക്കാര് തയ്യാറായേക്കില്ല.
ദേശീയ പണിമുടക്കിന് സി.ഐ.ടി.യു അടക്കമുള്ള തൊഴിലാളി സംഘടനകള് സെക്രട്ടറിയേറ്റിന് മുന്നില് പന്തല്കെട്ടി സമരം നടത്തിയതിനെതിരെ കേസുടുത്തതില് പ്രധാനിയായിരുന്നു ചൈത്ര. അന്ന് മുതലേ അവര് സി.പി.എമ്മിന്റെ കണ്ണിലെ കരടാണ്. തുടര്ച്ചയായി പാര്ട്ടിക്കെതിരെ തിരിയുന്ന ഇത്തരം ഉദ്യോഗസ്ഥരുടെ മനോവീര്യം കെടുത്തുക എന്ന പതിവ് തന്ത്രമാണ് അവര് പയറ്റുന്നത്. എന്നാല് സര്ക്കാര് തങ്ങളുടേതായതിനാലും നിയമങ്ങളും ചട്ടവും പാലിച്ചുള്ള പരിശോധനയായതിനാലും എന്ത് ചെയ്യണമെന്ന ആശയക്കുഴപ്പത്തിലാണ് സി.പി.എം. കോണ്ഗ്രസുകാര് ഭരിച്ചിരുന്നപ്പോള് പോലും ഇത്തരം നടപടിയുണ്ടായിട്ടില്ലെന്ന് തിരുവനന്തപുരത്തെ സി.പി.എം നേതാക്കള് പറയുന്നു.
https://www.facebook.com/Malayalivartha
