എല്ലാം ഉള്ളിലൊതുക്കുന്നു... ലോക്സഭാ തെരഞ്ഞെടുപ്പില് ഉമ്മന് ചാണ്ടിയെ നിര്ത്തിയിട്ട് വലിയ പ്രയോജനം ലഭിക്കില്ലെന്ന് റിപ്പോര്ട്ട്; ഉമ്മന് ചാണ്ടിയെ നാടുകടത്തുന്നു എന്ന് ഇനിയാരും വിലപിക്കേണ്ട...
ലോക്സഭാ തെരഞ്ഞെടുപ്പില് നിര്ത്തി ഉമ്മന് ചാണ്ടിയെ നാടുകടത്തുന്നു എന്നു പറഞ്ഞ് എന്തൊരു ബഹളമായിരുന്നു. എന്നാല് കേരളത്തില് ഉമ്മന് ചാണ്ടി ഇഫക്ട് ഇല്ലെന്ന് കണ്ടെത്തല്. സോളാര് കേസിലും സരിതയുടെ സ്ത്രീ പീഡനക്കേസിലും അഴിമതിയിലും പ്രതിസ്ഥാനത്ത് നില്ക്കുന്ന ഉമ്മന് ചാണ്ടി കേരളത്തില് മത്സര രംഗത്ത് എത്തിയാല് നെഗറ്റീവ് ഇമ്പാക്ട് ഉണ്ടാകും എന്നും കോണ്ഗ്രസ് ഭയക്കുന്നതായി സൂചന .
ഉമ്മന് ചാണ്ടി മത്സരിച്ചാല് നെഗറ്റീവ് ഇമ്പാക്ട് ഉണ്ടാകുമോ എന്നും കോണ്ഗ്രസ് ദേശീയനേതൃത്വം ഭയപ്പെടുന്നു.അതിനാല് തന്നെ ലോക്സഭാ തിരഞ്ഞെടുപ്പില് മത്സരിക്കാന് മുന് മുഖ്യമന്ത്രി ഉമ്മന് ചാണ്ടിയോടു ഹൈക്കമാന്ഡ് ആവശ്യപ്പെടില്ല . അഴിമതിയും സ്ത്രീപീഡന വിഷയവും ഉയര്ന്നതിനാലാണ് കഴിഞ്ഞതവണ ഭരണം നഷ്ടപ്പെട്ടത് എന്ന വികാരം കേരളത്തില് ഉണ്ട് .അതിനാല് തന്നെ അദ്ദേഹം നിര്ബന്ധമായും മത്സരിക്കണമെന്ന സാഹചര്യം നിലവില് കേരളത്തിലില്ലെന്നു പാര്ട്ടി ദേശീയ നേതൃത്വം കരുതുന്നു. സംസ്ഥാനത്തിന്റെ ചുമതലയുള്ള ജനറല് സെക്രട്ടറി മുകുള് വാസ്നിക് പാര്ട്ടി ഭാരവാഹികളുമായി കഴിഞ്ഞ ദിവസം കോട്ടയത്തു നടത്തിയ കൂടിക്കാഴ്ചയുടെ പശ്ചാത്തലത്തിലും പഠനത്തിലുമാണ് ഈ ചിന്തയില് എത്തിയിരിക്കുന്നത്. ഇക്കാര്യത്തില് സംസ്ഥാന നേതൃത്വത്തിന്റെ അഭിപ്രായം ചോദിച്ച ശേഷം തീരുമാനം ഹൈക്കമാന്റ് എടുക്കും
അതിനിടെ, ഓരോ മണ്ഡലത്തിലും പരിഗണിക്കാവുന്ന സ്ഥാനാര്ഥികള് ആരൊക്കെയെന്നതു സംബന്ധിച്ച് താഴേത്തട്ടിലുള്ള പ്രവര്ത്തകരുടെ അഭിപ്രായം നേരിട്ടറിയാന് ഹൈക്കമാന്ഡ് നടപടിയാരംഭിച്ചു. കോണ്ഗ്രസിന്റെ മൊബൈല് ആപ്ലിക്കേഷനായ ശക്തി വഴി പ്രവര്ത്തകര്, ബൂത്ത്, മണ്ഡലം ഭാരവാഹികള് എന്നിവരില് നിന്ന് അഭിപ്രായം ശേഖരിക്കും. അതില് ഉമ്മന് ചാണ്ടിയുടെ പേര് ഉയര്ന്നാല് അക്കാര്യം സംസ്ഥാന ഘടകത്തെ അറിയിക്കും.
കോണ്ഗ്രസിന്റെ മൊബൈല് ആപ്ലിക്കേഷനായ ശക്തി ഇന്സ്റ്റാള് ചെയ്തിട്ടുള്ള പ്രവര്ത്തകരുടെ മൊബൈല് ഫോണിലേക്കു സ്ഥാനാര്ഥി ആരാവണമെന്നതു സംബന്ധിച്ചു വരും ദിവസങ്ങളില് ചോദ്യമെത്തും.
അടുത്തിടെ നടന്ന നിയമസഭാ തിരഞ്ഞെടുപ്പുകളില് ശക്തി ആപ് വഴി പ്രവര്ത്തകരുടെ മനസ്സറിഞ്ഞു സ്ഥാനാര്ഥികളെ നിശ്ചയിച്ചതു ഫലം ചെയ്തിരുന്നു. ഈ പശ്ചാത്തലത്തിലാണു ലോക്സഭാ തിരഞ്ഞെടുപ്പിലും ഇതു തുടരാന് പാര്ട്ടി അധ്യക്ഷന് രാഹുല് ഗാന്ധി നിര്ദേശിച്ചത്.
വാശിയേറിയ പോരാട്ടം നടക്കുന്ന ഇക്കുറി വിജയം ഉറപ്പാക്കാന് ഉമ്മന് ചാണ്ടി മത്സരിക്കുന്നതാണ് ഉചിതമെന്ന അഭിപ്രായം സംസ്ഥാന ഘടകത്തില് ഉയര്ന്നിട്ടുണ്ടെങ്കിലും എ ഗ്രൂപ്പ് അതിനെ അനുകൂലിക്കുന്നില്ല. സ്ഥാനാര്ഥിത്വം സംബന്ധിച്ച ചര്ച്ച വന്നാല്, നിലവിലെ എംഎല്എമാര് ആരും മത്സരിക്കേണ്ടെന്ന നിലപാട് മുന്നോട്ടു വയ്ക്കുമെന്നും അക്കാര്യം ഹൈക്കമാന്ഡിനെ അറിയിക്കുമെന്നും ഗ്രൂപ്പ് പ്രതിനിധികള് വ്യക്തമാക്കി.
https://www.facebook.com/Malayalivartha
